خالد تاج الدين عن انتقاد أغنيته لـ"الأهرام سبورت": "هو أنا كنت ماضي في الأهلي ومش واخد بالي"
رد الشاعر الغنائي خالد تاج الدين على الانتقادات الموجهة له بعد تأليفه الأغنية الدعائية لنادي الأهرام، مؤكدًا انه شاعر محترف وعبر من خلال الأغنية عن أفكار النادي ولم ينتقد أحد.
وكتب "تاج الدين" عبر حسابه الشخصي بموقع "فيس بوك": "يا شباب هو أنا كنت ماضي في الأهلي ومش واخد بالي!! أنا عملت غنوه بس وماشتمتش فيها حد ، انا بعبر عن افكار النادي الجديد، ولا هو أيام الفلوس ما كانت بتتدفع للاهلي كانت حلوه و دلوقتي لا!! والله عيب عليكم تكونوا متناقضين مع نفسكم للدرجة وبعدين أنا شاعر محترف زي أي لاعب كرة محترف، شكلي ظلمتك لما شتمتك يا نيمار".
على جانب آخر، دعم الشاعر أيمن بهجت قمر موقف زميله، حيث علق على كلامه: "اعمل اللي يريحك يا خالود ومحدش له حاجة عندك احنا مش هواه ولما بيجيلنا أغنية في موقف درامي بنفصل الكلام، ده شغلك".
