رامي جمال: "أنا مش هسكت وهعمل حملات توعية عن البهاق"
وجه الفنان رامي جمال رسالة إلى متابعيه، لكي يقوم بتعريفهم على مرض البهاق، وذلك من خلال حسابه الشخصي على موقع الصور والفيديوهات "إنستجرام".
حيث كتب رامي في رسالته: "البهاق تعالو كل يوم نعرف حد حاجة عن الموضوع ده، أولا ده مش معدى وده بيبقى نقص فى الخلايا الصبغية وده مرض مناعي".
وتابع رامي قائلا :"لو اترفضت في شغل بسببه ابعتلى ونعرف الناس اسم المكان اللى مفيهوش انسانية، لو انتى أو انت اترفضتم من اللى هتتجوزه بسببه انتم الكسبانين اللى بيبص على لون جلدك قبل لون قلبك ده انسان فاضي، ميتعاشرش، لو في مدرسة وأصحابك مش فاهمين ده ايه متزعلش، احنا هنعرفهم ده ايه، المدرسين يعرفهوهم ده ايه، واكيد هيقدروا أن ربنا ميزنا بالبهاق اللى مش مرضه، ترجمه توتر وقلق وضغط، فياريت كل الناس اللى عندها يبقى عندها الحظ اللى شوفته منكم والدعم اللى شفته منكم ".
واستطرد رامى قائلا:" من ساعة ما كتبت والتلفزيون مبيتكلمش غير عليه، نجوم الحلقات دكاترة جلدية مشكورين، عرضو علاجي، وانا بقولكم كتير أولى منى بالعلاج المجانى، وشايف ناس بدأت حملات توعية اه متأخرين، بس كويس إنهم بدؤا، انا مش هسكت وهعمل أغاني وحملات توعية عنه، ومش هسكت إلا لما يبقى البهاق من علامات الجمال، انتوا طمعتونى بالتحضر والرقى اللى شفته، وبقت مسؤلية انى أنجح، وابقى صوت لكل اللى اتميزوا بيه، و ادعمهم وأشوف فرحتهم زى ما فرحتوني".
