محمد منير: "أي بنت مطلقة أنا جاهز اتجوزها"
سألت الإعلامية لميس الحديدي ضيفها محمد منير عن أقرب أغنية لقلبه قدمها خلال مشواره الفني، قائلًا: "هرد بنفس الإجابة وأقول هي الأغنية اللي لسه إنتوا مسمعتوهاش، اللي هي لسه عندي في السر، وطالما المصنف الفني نزل السوق فخلاص علاقتي بتنقطع بالأغنية بفكر بعدها في الجديد والجديد مليان".
وفيما يخص ألبومه الجديد "باب الجمال" الذي طرح منه ثلاث أغنيات، قال منير خلال مداخلة هاتفية مع الإعلامية لميس الحديدي ببرنامج "كلمة أخيرة": "طبيعة الإنتاج تغيرت بعد عصر الكاسيت، ودلوقتي مع تطور العصر بقى فيه الإنترنت، ومع ذلك الحرامية منتشرين عليه، لكن في النهاية هي دي موضة الزمن، عشان كده المنتج بيضطر يسرب الأغاني كل أسبوعين وكل شهر وهكذا".
وعلق منير، على تصدر فيديو أغنية "على صوتك بالغنا" مع رقصة الفنانة ليلى علوى مواقع السوشيال ميديا بمناسبة عيد الحب، قائلًا: "ده بس عشان ليلى علوي فنانة حلوة وجميلة".
وأشار إلى أنه يتناول فكرة الحب في أغانيه بطرق مختلفة؛ لأنه كل يوم يتنقل من قلب إلى قلب، متابعًا: "عشان كده خايف على الأجيال الجديدة عشان الطلاق بيحصل بسرعة".
وأضاف: "الأولاد بيشوفوا البنات في الصيف بالمايوه، وفي الشتا يطلق، عشان كده البنات بتطلق كتير"، مازحًا: "أي بنت مُطلقة أنا جاهز للجواز".
