رشا العدل تستنجد بالجمهور "ادعو لأمي مليش غيرها بعد بابا"

أعلنت رشا العدل، ابنة الفنان الراحل سامي العدل، تعرض والدتها الفنانة القديرة نادية شكري، صاحبة دور "سوسو" في مسرحية "العيال كبرت" لوعكة صحية.

وكتبت رشا عبر حسابها الشخصي بموقع التواصل الإجتماعي "فيسبوك “: ”رجاء من كل الناس اللي بتحبني أو حتى مش بتحبني، ادعو لأمي، أنا مليش غيرها في الدنيا دي من بعد بابا الله يرحمه يا رب يا رب يا رب قوّم أمي بالسلامة وعديها على خير".

وكانت رشا سامي،  أعربت عن حزنها الشديد لفقدان والدها، وأنها تعانى منذ لحظة رحيله، وقالت رشا، عبر حسابها على فيس بوك: "حبي الكبير الأعظم على الإطلاق.. وحشتني ووحشني حضنك وسؤالك عليا حتى مناكفتك ليا وحشتني وزعيقك فيه حاجة دايما ناقصة، وبحس إني وحيدة في الدنيا من غيرك وتايهة مش عارفة أتصرف ولا آخد قرارات مصيرية، مش عارفة أتعامل وأواجه مشاكل".

وأضافت : "كنت بستمد قوتي وطاقتي بوجودك في الدنيا الحياة أهلكتني بدونك، والناس بقت وحشة قوي ومفيش رحمة في قلوبهم واللي كان بيعمل حساب وجودك نسى أصلا إنه في يوم كان يعرفك وخيرك عليه رغم إن الواحد مش محتاج غير سؤال وطبطبة من حين لآخر بس بيستصعبوها ويستكتروها، وحشتني بقي ونفسي أجيلك قوي أقعد معاك وأفضفض لك، الله يرحمك يا سندى".