نجلاء بدر توجه رسالة شديدة للأسرة المصرية

نشرت الفنانة نجلاء بدر منشورًا عبر صفحتها الرسمية على الفيسبوك قائلة: "سبق وقلت فيه ناس كتير مش عارفة الفرق بين الفن والإعلام، والنهارده بقول إن في ناس مش عارفة تفرق بين دور الدولة ودور الأسرة.. الدولة مش دورها تربي عيالك.. لكن هاتعاقب على عواقب سوء تربيتك لعيالك".

واستكملت: "الدولة بتسن القوانين علشان تعاقب أفعال وعواقب (سوء تربية حضرتك)، لكن مش علشان تربي أولاد حضرتك.. لأن مش دور أي دولة إنها تربي عيالك.. أومال حضراتكم بتعملوا إيه أو لزمتكم إيه وخلفتوا عيال ليه؟"

وأضافت: "ياريت تربوا أولادكم بدل ما تطلبوا من الدولة تسن قوانين تربي عيالكم، وبما إن كل بيت وله عاداته وتقاليده وقناعاته، فكل أسرة تلتزم بيها ودون التعدي على الآخر.. لكن الدولة مش هاتطلع قانون لكل أسرة وبيت وحى ونجع وقرية ومحافظة.. ما نذاكر ونقرأ بقى ونفهم ونبطل عبث"

وتابعت: "من أعجب التعليقات اللي صدرت مؤخرا بعد تعديل طريق الساحل الشمالي. اعتراض الناس على السرعة ٨٠ كم على طريق مازال تحت الإنشاء والتمهيد.. فلازم الدولة تعمل حساب ابنك اللي بيجري على ١٩٠ كم أو أكتر مش كده؟ ومش هاتكلم في الباقي.. مش ده كان اسمه طريق الموت ولا انتوا لحقتوا تنسوا أصحابكم وأخواتكم وأهاليكم اللي ماتوا في حوادث الطريق ده بالتحديد؟"

وأنهت حديثها قائلة: "ومن ضمن التعليقات البايخة.. الدولة لازم تسن قوانين إن البنات والولاد ما يخرجوش بملابس البحر في الشوارع.. طب ماما وبابا كانوا فين وهما خارجين بالمايوهات في الشوارع؟ هما ولادكم كانوا خارجين بالمايوهات من باب البيت ولا من باب الدولة؟"

 الفنانة نجلاء بدر تدعم الطبقة البسيطة

والجدير بالذكر أن منذ فترة قصيرة قامت الفنانة نجلاء بدر بدعم الطبقة البسيطة عبر صفحتها الرسمية، من خلال مطالبتها في منشور لها بعدم السخرية من ملابس المُصيفين في المصايف، وأوضحت أن هؤلاء الناس تتجه لرأس البر أو إسكندرية أو جمصة للنزول في البحر لمدة يوم واحد لغسل نفسها من هموم الدنيا، وأضافت أن الأرض ملك لله وأننا ضيوف فقط بها.