" دلوقتي عجبناكوا ".. محمد هنيدي يروج لأغنية بهاء سلطان الجديدة بصورة كوميدية
روج الفنان محمد هنيدي بصورة كوميدية للترويج عن الأغنية الجديدة للنجم بهاء سلطان بعنوان " دلوقتي عجبناكو ".
محمد هنيدي يهنئ بهاء سلطان بطريقة مختلفة
حيث نشر عبر حسابه الشخصي على موقع التواصل الاجتماعي الشهير " فيسبوك "، صورة بهاء سلطان لأغنيته الجديدة، ولكن معدل عليها من خلال برنامج تعديل الصور " الفوتوشوب "، بحيث تظهر الصورة بملامح محمد هنيدي، معلقًا عليها: " دلوقتي عجبناكوا ".
كما تابع التهنئة لبهاء سلطان عن أغنيته الجديدة عبر الكومنتات، قائلا: " مبروك لبهاء على الألبوم الجديد.. بس ياريت متقلدنيش تاني يا بهاء... واخد كل تفصيلة ".
تفاصيل أغنية " دلوقتي عجبناكو "
طرح المطرب بهاء سلطان أمس، أغنيته الجديدة بعنوان "دلوقتي عجبناكو" عبر قناته الرسمية على موقع الفيديوهات الشهير "اليوتيوب" وكذلك عبر المنصات الإلكترونية.
الأغنية من كلمات منة القيعي، ومن ألحان عزيز الشافعي، ومن توزيع أحمد عادل، ميكس ماهر صلاح، ومن إنتاج روتانا.
وتقول كلمات الأغنية
دلوقتي عجبناكوا، ما كنا حلوين ومعاكوا، فجأة الشوق آهو جابكوا، طب إيه كان مشّاكوا.
دلوقتي عجبناكوا، ما كنا حلوين ومعاكوا، فجأة الشوق آهو جابكوا، طب إيه كان مشّاكوا.
أيوة إحنا إحلوينا، لأ وكمان بقينا، صعب يخش علينا، كلمة ودمعتين.
كنا زمان حاجة تانية، غلب وطيبة الدنيا، كنا بنيجي ف ثانية، كنتوا ساعتها فين.
دلوقتي بقينا فلة، ده إنتوا كسرتوا ورانا قلة، ومشينا وسايبينها على الله، كدة فجأة وجعناكوا.
عارفين أيوة قسينا، نشفنا ورانا رمينا، دنيا بنت لذينة، يوم سلف يوم دين.
والله مش ندية، ولا عِند ولا أذية، أصل المواضيع ديا، خلصت من سنتين.
دلوقتي إتقدرنا، ده إحنا ياما إتكدرنا، يلا قدركم وقدرنا، تيجوا بعد ما ننساكوا.
دلوقتي عجبناكوا، ما كنا حلوين ومعاكوا، فجأة الشوق آهو جابكوا، طب إيه كان مشّاكوا.
أيوة إحنا إحلوينا، لأ وكمان بقينا، صعب يخش علينا، كلمة ودمعتين.
كنا زمان حاجة تانية، غلب وطيبة الدنيا، كنا بنيجي ف ثانية، كنتوا ساعتها فين.
دلوقتي بقينا فلة، ده إنتوا كسرتوا ورانا قلة، ومشينا، وسايبينها على الله، كدة فجأة وجعناكوا.
