"بقالي 17 سنة مبشربش مية خالص".. شاهد أبرز تصريحات سماح أنور

تواجدت الفنانة سماح أنور، ضيفة شرف في برنامج" كلام ناس" مع الإعلامية ياسمين عز، المذاع علي قناة "ام بي سي مصر"، للحديث عن حياتها الشخصية وسر ابتعادها عن الشاشات خلال الفترة الماضية.

سماح أنور وعدم شرب الماء لمدة 17 عاما

قالت سماح أنور خلال حوارها مع الإعلامية ياسمين عز: "كل لما أشرب المياه بتعب علشان كده بقيت أشرب مشروبات غازية زيرو سكر ونسكافيه وقهوة وكل الخضراوات والفواكه اللي فيها مياه... وبقالى 17 سنة مبشربش مياه خالص وأنا مبشربش مياه في مصر لأن كلها ليها طعم ولون حتى المياه المعدنية ليها طعم ولون".

سماح أنور والتدخين

وعند السؤال عن التخدين اوضحت سماح اتهامها الإفراط في التدخين، مؤكدة قائلة:" أنا مبدخنش سجاير مصري، واكتر ناس بتدي نصائح مبيعملوش بيها وكدابين".

وأضافت سماح قائلة: "أنا مع التدخين ولكن بشرط ميكونش فيه ضرر كبير على الشخص، والمجتمع منغلق إنغلاق غير مسبوق لذلك لا يتقبلون فكرة التدخين".

تعلق سماح أنور علي الدخول في حياتها الخاصة

رفضت الفنانة سماح أنور الحديث عن الشائعات التي ظهرت حولها وحول نجلها بعد وفاة الفنان سمير صبري، موضحة أنها لا تريد التحدث عن أي شيء متعلق بحياتها الشخصية.

وتابعت سماح أنور خلال حوارها قائلة:" أنا بحس إن الكلام في حياتي الشخصية عيب ودي قلة قيمة، لأن أنا سمعت الكلام ده في البيت، وبحس إنه علم لا ينفع وجهل لا يضر، هل هتنفعك المعلومة دي في حياتك أو هتنفعك في حاجة؟ أنا مش عايزة أرد علشان دي حاجة تخصني، وعيب أوي إن حد يسأل حد عن حاجة شخصية".

أسباب عدم زواج سماح أنور حتي الآن

تحدثت الفنانة سماح أنور عند أسباب ابتعادها عن الزواج حتي الآن موضحة إنه ا سعيدة وهي وحيدة، مؤكدة: "أنا مستمتعة لوحدي وأنا في سن مش بتاع حب، وبعدين أنا مش مستعدة أتمكيج وألبس جزمة بكعب وأنزل ونسهر عشان واحد طب وشغلي وبكون عايزة أنام؟، كما ان الحياة العاطفية مش أولولية طول عمري لأني بقع في الحب وبتكون زي الحادثة".

وانهت سماح أنور كلامها قائلة:" عمري ما قولت عايزة أتجوز وبدور على حد، وممكن تحصل دون ترتيب، وحبيت مرة واحدة في حياتي ومكنتش لطيفة والست لما بتحب بتقع على وشها ودا بيطفش الرجالة، وأنا مش بعرف أتقل وأتحكم وبقعد باصه للتليفون مستنياه يتصل بيا،وبالتالي اقتنعت إني لا أصلح للعلاقات العاطفية".