بعد السجن.. معلومات خفية عن حياة وفاء مكي وسبب ارتداء الحجاب

علقت الفنانة وفاء مكي، على أزمة سجنها بتهمة تعذيب خادمتين، مشيرة إلى أن الله له حكمة في ذلك، وقالت في تصريحات تلفزيونية: "عندي خدامات بيساعدوني دلوقتي في البيت.. والحكاية دي بقالها 20 سنة وأكتر، ولما حد بيتكلم بقوله دا موضوع ملهوش لازمة ولما بفتكر بقول إيه التهريج دا؟ وبضحك، ولكني اقتنعت أن اللي حصلي له حكمة يعلمها الله والضربة اللي مش بتقتل بتقوي".

وتحدثت وفاء مكي عن سبب ابتعادها عن التمثيل، قائلة: "ابتعدت عن التمثيل عشان كنت متفرغة لابني بعد ما جوزي مات.. ولكن أنا محتاجة أشتغل بردو لأن ظروف الحياة صعبة وعندي ابن محتاج فلوس ولكن الأجر حاليا مش على قد المستوى".

واستكملت وفاء: " كنت هتعاون مع محمد رمضان في فيلم جديد ولكن الأجر كان قليل ورفضت لأني ممثلة قديمة ومش لسه حد هيكتشفني.. ولو هنزل أشتغل وأتعب وأتفرغ لازم الفلوس تكون تستاهل أضحي عشانها".

أعلي أجر للفنانة وفاء مكي

كشفت وفاء مكي عن أعلي أجر وصلت له، قالت: "جه وقت كنت باخد أعلى أجر وكان ساعتها 5000 جنيه وكنت دائمًا أعلى نسبة بيع وتوزيع في المجلات والجرائد وزمان مكنش فيه الأجور العالية والملايين اللي بتتاخد دلوقتي، ومع ذلك أنا معنديش ثروة من التسعينيات ومعملتش حاجة بالفلوس".

وفاء مكي وزوجها

قالت الفنانة وفاء مكي عن زوجها الراحل: "اتجوزت مرة واحدة بس من والد عمر ابني.. والله توفاه وعمر كان عنده سنتين وكرست حياتي لابني.. لأنه بقى كبير وهو عندي بالدنيا وخايفة أتجوز حد يزعل ابني وهو بـ ضل مليون راجل".

وفاء مكي وإبنها عمر

تطرقت وفاء مكي للحديث عن نجلها عمر، قائلة: "أنا بضطر أصحى الفجر وأنام الساعة 11 علشان أروح المدرسة وارجع وأذاكر له، علشان أشتغل لازم أجيب وقت.. لكني ماعنديش الوقت ده، ابني مسؤول مني مسؤولية كاملة، علشان أجي البرنامج كل دقيقة تليفون لدرجة كنت هجيبه هنا، جاله بطولة فيلم وهو عنده 5 سنين وهو دلوقتي 12 سنة ولكنه رفض لأنه مبيحبش التمثيل وهو ما شاء الله قمور وشعره مسبسب، وفي المدرسة في حاله ومسمينه المحترم بس بيرازي فيا في البيت".

حقيقة ارتداء وفاء مكي للحجاب

أوضحت الفنانة وفاء مكي، حقيقة ارتدائها الحجاب خلال الفترة الماضية، مشيرة إلى أنها ارتدت الحجاب بسبب استضافها في برنامج ديني، إضاقت: "الحجاب لا عيب ولا سُبة وكنت في برنامج ديني وكنا بنصور في مصر الجديدة وقعدت أدور على إيشارب لأنهم قالولي لازم حجاب عشان فيه شيخ وقرآن، وقعدت ألف لحد ما اشتريت حجاب احترامًا لهيبة الشيخ.. ولكن أنا متحجبتش".