بعد تصدره التريند.. مدحت تيخا "الرزاق هو الله"
تصدر الفنان مدحت تيخا، تريند علي مواقع السوشيال ميديا" فيس بوك" انستجرام" بعد نشره منشور " هو ليه معظم المخرجين حاليا شايفين ان الممثل التخين ميعملش غير كوميدي وبس وان ادواره محدودة
هو مفيش شرير تخين ؟
مفيش تخين بيحب؟ انا اهو حبيت واتحبيت واتجوزت
مفيش نصاب تخين ؟
مفيش رجل أعمال تخين ؟
مفيش مدرس تخين ؟ مفيش تخين في الجامعة
للدرجادي الرفيعين اشرار
ده حتي في مصر معظم الشعب تخان وزي القمر والعسل"
رد بشري علي منشور مدحت تيخا
أدعمت الفنانة بشري عبر خاصية الاستوري علي موقع التواصل الاجتماعي فيديوهات والصور "انستجرام"، الفنان مدحت تيخا علي منشوره، قائلة
" والله عندك حق، ده نوع من التنمر المهني ربما يكون غير مقصود،ما تزعلش أنا زمان كانوا مش بيشغلوني عشان نحيفة جدا وأذكر إني قولت الكلام ده مع الناقد عصام بصيله في برنامجه، قولت أول مرة أشوف كاستينج بالوزن! بس الحمد لله تخنت شوية وبردو ما بيشغلونيش، بس المرة دي عشان عندي مخ بحب أشغله وملتزمة في مواعيدي"
رد مدحت تيخا بعد تصدره التريند
و من جانب آخر جاء رد" تيخا" علي منشور" بشري"، و" التريند" معلقًا بمنشور آخر علي موقع التواصل الاجتماعي "فيس بوك" قائلًا " في ناس فنانين للأسف بعتالي ماسنجر وبيقولولي انت ليه كلمت الصحافة وكبرت الموضوع وممكن المخرجين يزعلوا منك...
اولا..انا قولت معظم المخرجين مش كل المخرجين لان في مخرجين كبار وثقوا فيا وقدموني بشكل مختلف زي الاستاذ محمد فاضل والأستاذ حسني صالح والأستاذ وسام المدني
ثانيا.. انا اقسم بالله ماكلمت اي موقع ولا صحفي هما اللي كلموني بعد ماالبوست بتاعي انتشر بشكل كبير وفي مواقع مكلمتنيش وشيرت علي طول من غير مااعرف وحتي الخبر اللي منزلاه النجمة الرقيقة بشري انا معرفش عنه أي حاجة غير لما نزل
بقول لكل اللي خوفوني
الرزاق هو الله وانا رزقي علي الله.
واسف علي الاطالة"
آخر أعمال مدحت تيخا
يذكر أن آخر أعمال " مدحت تيخا" فيلم" بحبك" مع الفنان" تامر حسني"، والفنانة" هنا الزاهد"،و الفنان" حمدي الميرغني"، الفنانة" هدي المفتي.
