ألفت إمام:' ربنا ذكر الشعراء والأدباء في القرآن لأنهم بيفيدوا البشرية

كشفت الفنانة ألفت إمام سبب ابتعادها عن الوسط الفني لافتة أن هناك تغييرات جذرية حصلت  في الوسط الفني وفي شخصيتها نظرت لسنها وطبيعة الأدوار التي يمكن أن تقبلها في الوقت الحالي.

ألفت إمام:" اتعرض عليا ادوار ضيفة شرف ورفضت

تابعت في حوار مع الإعلامية ياسمين عز:" طبيعي لأني كبرت ومش هعمل أدوار كنت بعملها زمان، واتعرض عليا الظهور كضيفة شرف في عدة أعمال ولكني مش حابه أنزل عن مكانتي اللي وصلت لها لأني اجتهدت وتعبت في بدايتي.

ألفت إمام:" ربنا ذكر الشعراء والأدباء لأنهم بيفيدوا البشرية 

وأشارت ألفت إمام إلي أن هناك أهمية للشعراء والأدباء في المجتمع:" بقرأ زي ما ربنا قالنا في أول آية في القرآن، ومؤمنة إن ربنا لما قال "علم بالقلم" كان قصده الأدباء والشعراء وذكرهم لأنهم بيفيدوا البشرية.

نفت الفنانة ألفت إمام حدوث خلاف بينها وبين نادية الجندي لافتة أن نادية الجندى نجمه كبيرة وسعدت بالتعاون معها في فيلم الشطار.

ألفت إمام:" مفيش خلاف 

وأضافت خلال حوارها في كلام الناس:*  محصلش خلاف في جزء صورته وإحنا متواجدين في العنابر بتاعت السجن صورناه، وبعد ما خلصنا مسألتش الأستاذ نادر جلال عن المشهد، وفي جمل مهمة جدًا أن بقولها، وبتناقش أنا نادية ليه كل شوية بتدخلي السجن في الفيلم، ولقيت أجزاء من الحوار بتاعي الكاميرا مش جايه على وشي، ممكن يكون من وجهة نظر المخرج.

تابعت:" نادية الجندي نجمة كبيرة وسعيدة بالعمل معها في فيلم الشطار.

كشفت الفنانة ألفت إمام خلال تصريحات تلفزيونية عن سبب ابتعادها عن الفن لفترة طويلة، عبرت عن استيائها من مواقع التواصل الاجتماعي واستخدامها الخاطئ.

وقالت ألفت إمام عن سبب ابتعادها عن الفن لفترة طويلة: "سحبت نفسي من الأوساط اللي بيتكلم عليها السوشيال ميديا من بعد ثورة يناير، لأن فوجئنا من السوشيال ميديا، وفي ناس بتعتبرها حاجة بتجري في عروقها، وهي وسائل تباعد مش تواصل اجتماعي، والفترة اللي لقيت فيها تغير المزاج وسلوك المصريين، بعدت عن الفن، وبقت حاجة مش لطيفة".

وتحدثت ألفت إمام في حديثها عن التغير الكبير في سلوك الشعب المصري بعد ظهور السوشيال ميديا، قالت: "مش دول المصريين، والمصريين شعب خلوق جدًا ومتعاون جدًا في الأساس، وفي حاجات تغيرت وبشتغل في المهنة ديه تقريبًا من 35 سنة، وتعلمنا على إيد نجوم كبار، وفي الفترة الأخيرة كانت في حاجة مش مظبوطة في الوسط، وقبل الطرق الجديدة، في أيام الثورة، كنت بوصل الاستوديو وأنا منهكة بسبب الطرق، وقت طويل، وكنت عايزة أطلع الطاقة اللي عندي للمشاهد.