خاص.. سامح يسري لـ "الفجر الفني": متوقعتش نجاح مسرحية "سمك × مية".. وهذه هي كواليس العمل

كشف الفنان سامح يسري، عن أسباب عدم توقعه لتحقيق نجاح مسرحية "سمك×مية" هذا النجاح الكبير، كما كشف أيضًا عن كواليس العمل.

وقال لـ "الفجر الفني: "بعترف أننا في مسرحية (سمك ×مية) كسرنا الدنيا والحقيقة أنا مكنتش متوقع نجاح المسرحية بالشكل ده لأن كله كان بيقول ده مجرد عرض مسرحي هيخرج في الصيف لمجرد الترفيه والمسرحية الأول أسمها كان بيتكلم عن الهجرة غير الشرعية وده كان توجه الناس بتفتكره دمه تقيل بالعكس ده توجه كان جميل لأننا تناولنا هذا العمل بشكل بسيط قدر يوصل للناس بسهولة  و الناس حست ان بلدها محتاجها أكتر".

كواليس المسرحية

وكشف الفنان سامح يسري كواليس مسرحية "سمك ×ميه" قائلًا: "كواليس المسرحية كان دمها خفيف جدًا لأن المسرحية كان يوجد بها ممثلين كوميدية جميلة جدا زي الفنان منير مكرم كان بيخلينا نضحك طول الوقت، وكان في بعض الأوقات بيحصل بينا مشادات لأن هو كان عايز طول الوقت كوميدي وانا كنت عايز نقدم بشكل بسيط".

وأضاف: "الكواليس كانت لطيفة جدًا كانت مليئة بالاخوة والصداقة، المكسب الحقيقي هو أني قابلت  شاهيناز المطربة الجميلة، وزوجها الملحن والموزع ادم حسين وترابطنا من تاني أننا ممكن نعمل ديو سوا لأن إحنا في المسرحية طلع مننا ديو علي خشبة المسرح كان لطيف جدًا وعمل شكل مميز وقدمنا كذا شكل ل الوان الغناء المختلفة وكان تنوع أضاف إختلاف للمسرحية وده خلي الجمهور يحب العمل اكتر".

ووجه الفنان سامح يسري من خلال "الفجر الفني" الشكر  لكل النجوم المشاركين في العمل مثل محمد الصعيدي، فاطيما، احمد حسن،  محمدفايز، ومجموعة اخري من النجوم.

وأضاف: "كواليس المسرحية كانت كلها اخوه وصداقة ايًا كان كانت ظروف التجمع، لأن المسرح رحلة بتجمع أسرة بتعيش مع بعض نحو 3 شهور عشان ف الآخر العمل يكتمل والعمل فعلًا كان راقي بكواليسه وبالناس الجميلة اللي اشتغلت فيه.. وكل المشاركين عملوا الأدوار بطريقة متميزة ولطيفة علي خشبة المسرح".