محمد الشرنوبي: "أنا مسالم لدرجة إني اتثبت وسرقوا مني الآيفون"

أكد الفنان محمد الشرنوبي أنه شخص مسالم، ولا يدخل في مشادات بالضرب مع أحد، لكنه تعرّض للسرقة بالإكراه قبل عدة سنوات، أدت لإصابته في ذراعه.

تفاصيل تعرض محمد الشرنوبي للسرقة 

وأوضح الشرنوبي خلال حواره مع الإعلامية منى الشاذلي في برنامج (معكم منى الشاذلي)، على قناة cbc، أنه خلال فترة الثورة والفوضى التي حدثت بعدها، كان يمتلك جهاز "أيفون 5"، كان قد اشتراه من الخارج، قائلا: "كان أيفون 5 لسه نازل وجبته من برا وفرحان بيه أوي، كنت ساكن في أكتوبر ونزلت اشتري حاجة لقيت توك توك معدي جنبي وقفني بطريقة غريبة".

وتابع: "قالي بقولك ايه يا كابتن العدة اللي في إيدك دي أنت جايبها منين، قلت له جايبها من برا مصر، كنت بتكلم بجد، قالي لا أنت جايبها من السادس ولبّست صاحبة المحل 200 جنيه مزروة، فتعالى معانا نشوف الحوار ده.. قلت له مش جاي، فطلع مطواة وضربني في كتفي لقيت دم نازل فقولت له قشطة أنا جاي معاك، وركبت معاهم التوك توك واحد على يميني وواحد على شمالي".

من جانبها، قاطعته منى الشاذلي قائلة: "أنت كده اتخطفت مش اتثبت يا محمد"، ليرد ضاحكا: "مظبوط". ويضيف: "وصلت معاهم في مكان كده ونضفوني.. اخدوا الموبايل والمحفظة.. المحفظة كان فيها 40 جنيه".

تصريحات محمد الشرنوبي عن والده في برنامج (معكم منى الشاذلي)

وكشف الفنان محمد الشرنوبي تفاصيل دخوله للمجال الفني، وتحديدًا اختياره لمجال التمثيل قبل الغناء، رغبة منه في الابتعاد عن فكرة الواسطة، وحتى لا يعتقد الجمهور أن والده الملحن فاروق الشرنوبي هو سبب دخوله المجال.

وأوضح الشرنوبي خلال حواره مع الإعلامية منى الشاذلي في برنامج (معكم منى الشاذلي)، أنه رفض البدء بالغناء قبل التمثيل، لأنه كان يريد الابتعاد عن مجال عمل أبيه، قائلا: "كان عندي قناعة إن لو غنيت الأول الناس هتقول إن أبويا اللي خلاني أدخل الوسط، فا كنت عاوز أمثل وتبقى حاجة بعيدة عن الحتة اللي أبويا بيعملها، عشان أبقى بنيت نفسي بنفسي.. كنت أوفر أوي وعملت جوا نفسي صراع ملوش لازمة".