حازم إيهاب يحتفل بمرور ٣ أعوام على زواجه

احتفل الفنان الشاب حازم ايهاب بمرور ٣ أعوام على عيد زواجه عبر حسابه الشخصي على موقع" إنستجرام ".

منشور حازم إيهاب 

واكتفى حازم ايهاب بنشر صورته مع زوجته معلقًا عليها: "عيد زواجنا الثالث.. بحبك".

حازم ايهاب يتصدر ترند جوجل 

تصدر الفنان حازم إيهاب مؤشر البحث "جوجل" خلال الساعات الماضية، وذلك بعد أن حل ضيفًا على برنامج "رمادي" مع الإعلامية عبير بسيوني والذي يذاع على حسابها الشخصي بموقع التواصل الاجتماعي "فيسبوك"، وتحدث فيه عن تفاصيل وفاة نجله يونس.

وتحدث حازم إيهاب خلال لقاءه عن معرفته بمرض طفله قبل الولادة، مُشيرًا إلى أنه كان يعاني من عيب خلقي في القلب، واستعان بالأزهر فأجازوا له إجهاضه، مُضيفًا:" لما منة كانت حامل في الشهر الخامس عرفنا إنه هيبقى فيه عيب خلقي في القلب، وسألت في الأزهر عن إجهاض الطفل قالوا يجوز إننا ننزله، تفكيرى اللى ربنا كاتبه له هيشوفه بس مش هعرف أسامح نفسى لو كنت وافقت على إجهاضه كنت ممكن أطارد نفسى وألومها بعدها بكام شهر مش جايز كان ربنا حط فيه معجزة".

واستكمل الفنان حازم إيهاب حديثه: "يونس لما جه منة مكانتش عارفة إنه دخل العمليات، ودي كانت مشكلة أكبر بكتير، نقلناه المستشفى، وفضلنا نقول لمنة إنه تحت في الحضانة، كام يوم وابتديت أسرسب لها المعلومات واحدة واحدة".

وتابع حازم ايهاب حديثه كاشفًا لحظة علمه بالوفاة: "لقيت تليفون جايلي أنه توفى يعني، روح بقى لف لفة تصاريح الدفن وحساب المستشفى، وطبعًا من سذاجتي عشان أول مرة أكون في موقف زي ده روحت مكلم حد حجزلي قاعة عزاء وبعدين اكتشفت أنه الأطفال مبيكونش ليهم عزاء أصلا".

وأضاف حديثه قائلًا: "ابني كان مكتوب له إنه ييجى الدنيا ويقعد معانا 13 يوم ويروح للى خلقه تانى يعنى ابن اللذينة ضمن الجنة من غير أى حاجة".

وتابع حازم ايهاب حديثه قائلًا: "وبرضو من سذاجتي باخد يونس وهو في الكفن ورايحين نصلي عليه، فإمام المسجد لقيته بيضحك وقالي يا حبيبي إحنا بنصلي على المتوفي عشان ربنا يخفف عنه ويرحمه وكده.. فإحنا بنصلي على ده ليه؟ ده إحنا نحاول نتمحك فيه بس كده عشان يدخلنا معاه الجنة، وراح واخده مني وحاطه مع نعش حد كان بيتصلى عليه برضو وروحنا مصليين عليه".