في هذا الموعد.. تامر عاشور يحيي حفلا غنائيا بقطر

يستعد المطرب تامر عاشور، لإحياء حفلًا غنائيًا، ومن المقرر إقامتها في قطر، يوم 11 شهر ديسمبر المقبل.

ويقدم تامر عاشور مجموعة مميزة من أغانية القديمة والجديدة ومنها، "ميدلي لايف، قولوا سماح، خليني في حضنك، من غير ماحكيلك، حنلها وانت بعيد، وقت الوادع".

ومن ناحية أخري، حل تامر عاشور ضيفًا برنامج "أنغام" الذي تقدمة المطربة والإعلامية أنغام، الذي تم عرضة على قناة DMC يومي الخميس الجمعة الماضيين، وقالت أنغام فى تقديم ضيفها تامر عاشور: "انت صاحبي وزميلى واشتغلنا مع بعض، بس ده ما يمنعش أبدي إعجابي بيك وبموهبتك، ملحن غير عادي، وصوتك فريد، وعازف شاطر".

تامر عاشور لأنغام: من زمان وأنا نفسى أشتغل معاكي

ورد تامر عاشور: "ده كلام كبير وشهادة كبيرة.. أنا اللى اتشرفت إنى لحنت لك، من زمان وأنا نفسى أشتغل معاكي، كان نفسى أحقق ده، والحمد لله حققته".

تامر عاشور: كنت بعمل أغانى لنفسى وأشيلها

وكشف أنغام أن أغنية "ياريتك فاهمنى" التي لحنها تامر عاشور لم تكن لها خصيصًا، ليرد تامر عاشور: "كنت بعمل أغانى لنفسى وأشيلها، عمرى ما قررت الأغنية دى تروح لمطرب محدد، لو حد قال لى عايزين نعمل حاجة لأنغام مستحيل أعرف، مش بعرف أفصّل ألحان للمطربين".

وقال تامر عاشور إن أول الأغنيات لحنها لنفسه "كلموها عني"، كما كشف أنه بدأ يغنى فى عمر 16 عاما، وأضاف: "كنت بغنى كل حاجة وفى أي حتة، ودرست مزيكا شوية، ولكن فى البداية كنت بغنى سماعى".

أغنية هتوحشنا

وطرح تامر عاشور بداية الشهر الجارى أحدث أغانيه بعنوان "هتوحشنا" كلمات عمرو المصري وألحان محمود أنور، وتوزيع محمد مجدي وميكس وماسترأمير محروس، وتقول كلمات الأغنية: "هتوحشنا هتوحشنا.. فضينا السيرة ودشدشنا ورا ضهرك قلة ولا عطشنا.. ممنوع تدخل عندنا تاني لو حتى هتجي تمعلشنا.. هتوحشنا هتوحشنا دا احنا الأرض بورد فرشنا لما مشيت روقنا وفرفشنا لمينا ورقتك قطعنا قفلنا المشهد فركشنا".