رامى جمال: صورت "قمر ومنور" فى سهل حشيش لتنشيط السياحة المصرية

قال الفنان رامى جمال، إن قرار تصوير كليبه الجديد "قمر ومنور" في مصر، جاء بسبب رغبة شركة الإنتاج "نجوم ريكوردز" فى الترويج للسياحة المصرية، من خلال التصوير في سهل حشيش، حيث تم التصوير قرابة الثلاثة أيام، وتم الاستعانة بالمخرج "جون بيريز"، في التعاون الثاني معه هقب أن قدمنا من قبل كليب "اوعديني"، وحقق نجاحًا كبيرًا وقتها.

فريق عمل أغنية قمر ومنور 

اغنية "قمر ومنور" من كلمات عمرو المصرى، وألحان محمود أنور، وتوزيع أسامة الخطيب، وإشراف ياسر خليل، وإنتاج "نجوم ريكوردز" وكانت واحدة من ضمن أغنيات ألبوم "يستاهل بوستين".

ألبوم يستاهل بوستين 

و ألبوم "يستاهل بوستين"، ضم 12 أغنية مثل "بقيت أخاف"، "خلينا قاعدين"، "موقف ضعف"، "قمر ومنور"، "أنا دلعت"، "مسيرى أنساك"، "أدبتنا الدنيا"، "شفت الحقيقة"، "سيبنا بعض"، "كلمينى شوية عنى"، "فى جمال كده".

رامي جمال وأمير طعيمة يتعاونوا من جديد

وتعاون رامي جمال في الألبوم مع الشعراء أمير طعيمة، أحمد عبد النبى، محمد أبو نعمه، عمرو المصرى، أحمد المالكى، محمد عاطف، إبراهيم جاد ومن الملحنين أحمد العدل، غريب، محمود أنور، مدين، محمد أنيس.

أما الموزعين أحمد ابراهيم، توما، الهامى دهيمة، وأحمد حسام، وسام عبدالمنعم، أسامة الخطيب، يحيي يوسف، أحمد عبد السلام، كما قدم رامى جمال عدد من الأغنيات من ألحانه.

كلمات أغنية قمر ومنور

حبيبي ياللي قمر ومنور دنيتي بيك
تعالى بس أحكيلك قرب خايف ليه
حبيبي ياللي قمر ومنور دنيتي بيك
تعالى بس أحكيلك قرب خايف ليه

دا كلام، بيننا وسر ف بير
حكايات، بين لحظة والتانية
أنا لو أوصف حاسس أيه
هحتاج ستين سنة قدام

مفيش حاجة حبيبي معاك، بتشغلني
نسيت روحي نسيت الناس
طول ما أنا جنبك كله تمام
أقول كلمة شوق بعنيك، بتقتلني

سنين قبلك ضاعت راحت
بس خلاص (بس خلاص)
لقيت بحر من الحنية ومن الإحساس
سنين قبلك ضاعت راحت
بس خلاص (بس خلاص)
لقيت بحر من الحنية ومن الإحساس

في عنيك بهدا أنا وبرتاح
ومعاك عشت أنا الدنيا
أنا لو أوصف حاسس أيه
هاحتاج ستين سنة قداك

مفيش حاجة حبيبي معاك، بتشغلني
نسيت روحي نسيت الناس
طول ما أنا جنبك كله تمام
أقول كلمة شوق بعنيك، بتقتلني
أنا لو أوصف حاسس أيه
هاحتاج ستين سنة قداك