إيناس مكي: المُساكنة زنا ودعارة مُرخصة.. الناس نسيوا الدين وأصبحوا مشتتين

كشفت الفنانة إيناس مكي عن رأيها في فكرة المُساكنة، مؤكدة أنها زنا مُرخصة وتقلل من حقوق المرأة، بجانب الحديث عن الدين الإسلامي وتأثيره في الإنسان.

وقالت إيناس مكي في تصريحات صحفية: المساكنة فكرة هدامة وزنا ودعارة مُرخصة، حرام تجيبوا أطفال دون نسب، والإسلام عمره ما قال كده حفاظًا على حقوق الست، والدين مش عدو ولا بيخنق ولكنه بينظم حياتنا ويكرمك كـ زوجة ويرقيكي عن الحيوانات، بدل ما تكوني دون حقوق والراجل يرميكي.

إيناس مكي: الناس نسيوا الدين وأصبحوا مشتتين

وأضافت إيناس مكي: الناس نسيوا الدين وأصبحوا مشتتين، وبحمد ربنا إني معنديش التشتت دا من صغري لأني مؤمنة بالحرية ولكن في حدود، ودون ما تغلطي وتأذي نفسك أو أي حد وتروحي اتجاهات مُحرمة، ولما بلاقي الناس نحوا بيغلطوا ببعد عنهم وبنسحب.

إيناس مكي عن إمكانية زواجها

وتطرقت إيناس مكي، للحديث عن إمكانية زواجها، وقالت: أنا مقابلتش راجل مناسب يقنعني بالزواج حتى الآن؛ لأني لازم أكون مقتنعة بالشخص اللي هرتبط به وموضوع الجواز شيء مش سهل، ولو لقيت كان زماني مستقرة حاليًا... عمري ما اقتنعت أن الراجل بيخاف من الست القوية أو الفنانة، لأنه بيفهم كويس الست اللي قدامه بتعرف ربنا ولا لا ودي مش هتفرق هي فنانة أو بتشتغل أي مهنة أخرى.

إيناس مكي: الزواج مالهوش كتالوج

واختتمت إيناس مكي: الرجالة مش بيخافوا من الست اللي بتشتغل في الفن؛ لأن الزواج مالهوش كتالوج بغض النظر عن الشغل والراجل بيعرف اللي قدامه واحدة متربية ولا لا وبتعرف حقوق ربنا سواء كانت فنانة أو لا، مفيش راجل هيتجوز واحدة من غير ما يعرف شخصيتها ويدرسها.

آخر أعمال إيناس مكي

والجدير بالذكر ان الفنانة إيناس مكي قدمت العديد من الأعمال الفنية التي حققت نجاحا كبيرا، من بينهم فيلم الحاسة السابعة، علي يا ويكا، أمير الظلام، هالو أمريكا، سمكة وأربع قروش، عالم يا هوه، جنون البشر، الحلم والألم، محترم إلا ربع، كان  فيلم "ركلام" عام 2012 وكان أخر أعمالها مشاركتها في العديد من الأعمال الدرامية والمسرح.