عاجل.. محمود بدر يحرر محضرًا ضد محمد رمضان بسرقة أعنيته (مستندات)

حرر محمود بدر، مؤسس فريق "شارع 3"، الغنائي محضرًا ضد الفنان محمد رمضان، في قسم شرطة “الدقي”، متهمًا بسرقته أغنيه “على وضعنا”، وطرحها منذ أيام عبر قناته الرسمية عبر موقع الفيديوهات العالمي “يوتيوب”، حيث شاركه في غنائها كل من الفنان أحمد عدوية ونجله محمد عدوية.

وجاء في نص المحضر الذي قام بيه محمود بدر، أن الفنان محمد رمضان، مزال يحاول اثبات ملكيته لأغنية “لسه متخلقش”.

تصريحات محمود بدر

وقال محمود بدر في تصريحات صحفية إنه شعر بضياع مجهوده بمجرد نزول أغنية محمد رمضان، كاشفًا: أنا لو في مكانة محمد رمضان مش هعمل كده ولا هاخد مجهود حد، اللي بيكتب أغاني مليون واحد، ومش الكلمتين دول اللي هيوقفوا أغنية بالنسبة ليا، ولما خد أغنيتي الدنيا كانت ضلمة في عيني، أنا قعدت من 2 يناير لغاية امبارح كنت بقول حقي راح، وكل اللي نحوا قالولي مش هتعرف تعمل حاجة، ولكن ربنا أكبر من أي حد.

وأوضح محمود بدر، أن مكتب الفنان محمد رمضان، تواصلوا معه عقب حذف أغنية على وضعنا من اليوتيوب، متابعًا: حد من مكتب محمد رمضان كلموني بعد قفل الأغنية، وسألني عن سبب قفل التراك، وقالي حصل خير وقفل، وكلمني حد تاني من المكتب وقالي مش أصول المهنة إنك تعمل كده وفكرنا إن الشاعر قالك على الأغنية، وقالولي افتح التراك وتعالى نقعد نتكلم، وأنا كان ردي إني مش هفتح التراك لأني عايز أنزل التراك بتاعي.

سبب طرح محمود بدر للأغنية

وتابع محمود بدر، أنه سيطرح غدًا أغنيته التي زعم أن الفنان محمد رمضان سرقها منه، على اليوتيوب، قائلًا: أنا مش عايز فلوس ولكن عايز مجهودي يتشاف وتراكي ينجح، المقياس مش فلوس ولكن مجهود وتعب، وأورتيجا افتكر أن ورقها مش معايا لما لقى محمد رمضان عملها، وبعدين لما شاف أن ورقها كله معايا وبتاعي قالي ما دام حقنا يبقى نكمل فيه، وبكرا هنزل التراك الساعة 7.

واختتم محمود بدر، حديثه موجهًا رسالة للفنان محمد رمضان، قائلًا: بقول لـ محمد رمضان ارجع بُص للمنظومة بتاعتك، ولما تاخد حاجة راجع عليها مرة واتنين لأن ممكن يكون حد غلبان وميعرفش ياخد حقه، ونصيحه بصوا لـ حاجة الناس قبل ما تاخدوها في ناس كتير بتشق طريقها وبتقول يا رب، ومتاخدوش مجهود وتعب حد.

فريق عمل أغنية "على وضعنا"

أغنية "على وضعنا" كلمات أمير شيكو، وتوزيع ديزل، وألحان ديزل وعبدو الصغير، والكليب من إنتاج MR1، وتنفيذ شركة شو ميديا برودكشن التي يرأسها محمود الشيخ، وإشراف عام محمود رمضان، ومدير مالي "MR1" عبد الغني شوشة، ومن إخراج حسام الحسيني.

و كان الفنان محمد رمضان قد روج للأغنية من قبل من خلال نشره مقطع فيديو من كواليس الأغنية عبر حسابه الشخصي بموقع فيسبوك وقال عن هذا التعاون: "اتسجل في تاريخي إني غنيت مع ملك الأغنية الشعبية أحمد عدوية".