محمد يسري يهنئ ويدعم شقيقته هنا يسري عن نجاح أغنيتها الجديدة "بنت أبويا"
هنأ الفنان محمد يسري، نجل الفنان الراحل إبراهيم يسري شقيقته عبر موقع التواصل الاجتماعي فيس بوك عن نجاح أغنيتها الجديدة "بنت أبويا" والتي قامت بتقديمها في الحلقة الأخيرة من مسلسل “موضوع عائلي الجزء الثاني” في مشهد زواج سارة “ رنا رئيس” ووالدها والذي يقدم الشخصية الفنان ماجد الكدواني.
تعليق محمد يسري
وعلق علي الفيديو والأغنية والمشهد قائلًا: “طبعا يا حبيبتي بنت أبوكي.. شبهه وزيه وحتة منه.. ووالله يا هنا كل يوم بيعدي انا متأكد إنه فرحان أو ي وفخور بيكي وبكل حاجة انتي بتعمليها على المستوي الانساني والفني زي ما انا دائما رافع راسي وفخور بيكي”.
وأضاف: “حابب حقيقي اشكر كل إلى شاركوا في صنع مسلسل موضوع عائلي أساتذة وزملاء على مدار الموسمين بقيادة الاستاذ الكبير احمد الجندي لانهم بجد عملوا مسلسل قريب ل قلوبنا أو ي.. وشكرا أو ي لصناع أغنية بنت أبويا، خليتوني قاعد بعيط زي العيال".
واختتم كلامه "وأخيرًا شكر خاص جدًا للمنتج أحمد الجنايني إلى بعيدًا عن أنه حقيقي من اشطر وأذكى المنتجين اللي موجودين دلوقتي هو كمان مكسب شخصي كبير أو ي السنة دي.. شكرا يا چينو على كل حاجة حقيقي".
كلمات أغنية “بنت أبويا”
صوت رنة المفتاح في الباب ساعة اما توصل
ومكالمة نص اليوم لما من غير داعي تسأل
والزعيق من ورا قلبك لما اصالحك وتتقل
وحضنك اللي بنسي قبله ليه كنت بزعل
رأيك اللي كله حكمة صوتك حفظته
كل موقف يوم زعلني وبعدين فهمته
انت اللي انا رافعة راسي من ورا اسمه وسيرته
بنت ابويا واه يا بختي بعمري وياك عشته
بيقولوا لي إني شبهك إني زيك حتة منك روحي روحك واخدة قلبك في المشاعر والكلام
بيقولوا لي اللي شافوكي كتير لاقوكي بنت ابوكي ده في سلامه واهتمامه يا بختي قالوا بنت ابويا يا سلام
لما تقلق وانا اخبي لتزعل عشاني
وأما في طريقنا نسافر ونشغل أغاني
وأما تشوف منى دمعة وتعمل مش شايفها بتخاف تكسفني وتحسسني انك كاشفها
انت سندي وانت ضهري وصاحب عمري كله
لما بشكي لما بحكي من غيرك اقول اقوله
اللي مهما كبر سني هفضل اعيش في ضله
يا حبيب يارب يخلي صوتك العمر كله
بيقولوا لي إني شبهك إني زيك حتة منك روحي روحك واخدة قلبك في المشاعر والكلام
بيقولوا لي اللي شافوكي كتير لاقوكي بنت ابوكي ده في سلامه واهتمامه يا بختي قالوا بنت ابويا يا سلام
