حمو بيكا: 'أنا عمرو دياب الغلابة.. ودعيت على هاني شاكر بعد ما قعدني في البيت وربنا جابلي حقي'
حل مطرب المهرجان حمو بيكا ضيفًا في برنامج العرافة الذي تقدمه الإعلامية بسمة وهبة على شاشة قناة المحور.
حمو بيكا: هاني شاكر جابلي سنتين حبس واللي عمله معايا ظلم
تحدث حمو بيكا عن الفنان هاني شاكر بعد ما منعه من الغناء أثناء وجوده كـ نقيب الموسيقيين: "كل اللي هاني شاكر عمله معايا إنه قعدنا في البيت وهو كل شوية عمال يتكلم إنه جابلي سنتين حبس، وأنا راضي بالقانون بس كل اللي هو عمله معايا ظلم لما يخلي كل بتوع المهرجان يغنوا وأنا لا".
وتابع بيكا: "ربنا جابلي حقي وجابلنا نقيب ربنا يخليه لينا، والمجلس القديم جايبنلي مدرس يقولي لا ليه لا، وهاني شاكر على دماغنا وكل اللي هو عمله إحنا عملناه برضو".
حمو بيكا: مصطفى كامل على دماغنا
وتحدث بيكا عن الفنان مصطفى كامل نقيب الموسيقيين الحالي قائلًا: "النقيب مصطفى كامل نقيب الموسيقيين على دماغنا من فوق وهو اللي جابلنا حقنا، المهرجانات اسمها أغاني وليست مهرجانات ونقيب الموسيقيين لا يرغب في تسميتها مهرجانات".
وتابع حمو بيكا: "وافقنا على رغبة مصطفى كامل وأصبحنا نطلق على المهرجانات اسم أغاني ولا نشعر بالحزن مطلقا، والأغاني الخاصة بنا لا نطلق عليها أغاني شعبية".
شبه مطرب المهرجانات حمو بيكا نفسه بالهضبة عمرو دياب قائلًا:" أنا عمرو دياب الغلابة".
آخر أعمال حمو بيكا
يذكر أن آخر أعمال مطرب المهرجانات حمو بيكا أغنية "كلك غرام"، والذي تم طرحها مؤخرًا عبر قناته الرسمية بموقع الفيديوهات الشهير يوتيوب، الأغنية بمشاركة حسن شاكوش ومن كلمات إسلام المصري توزيع إسلام صاصا.
كلمات الأغنية
دي جي ساسو
بنغيب والكل بيحتار في انتظار
نرجع والكل بينهار في انفجار
ع الساحة بنعمل هجوم ضرب نار
أصل احنا بتوع البوم بوم دوس غيار
ع الصح والصحيح بجد إخواتي غير أي حد
ولحد كم تعرف تعد يا ابني إحنا حيطة سد
الهوستا كوستا كله فل أنا جاي أردم ع الكل
ع الكل هرخم مش هحل أنا صعب ماليا حل
أنا جاي أقول لك كلام ع اللسان
بت إنت كلك غرام عود ريحان
شحرورة وصوتك خيال الجمال
من بصة راح قلبي مال أورجينال
آه يا حتة قشطة بالعسل شوفتك اللي حصل
لو رقمك بيّ يتصل بصحى وبنسى الكسل
آه يا فستقاية في قنبلة يا هريسة معسلة
في دماغي عملت البلبلة كده هنسى السنجلة
هتلر بجيوشه مصدناش قال بلاش
من ضربتنا الكل باش في انكماش
ولعنا الدنيا وما بنهداش قولنا عاش
رشاشنا بيضرب ما بيفضاش صرف كاش
أنا جيبت البيتش باجي وإنت عليّ بتتفرجي
شاب رومانسي ومش بلطجي وإنت ثقيلة وبتعصلجي
ولبست قميص كاروهات فاتحه مبين فيه العضلات
والأيفون بثلاث كاميرات وإنت براند الحلويات
الهوستا كوستا ولا إيه لون خدك نسكافيه
إنت مربى في ملفيه ده جمالك مش ناسيه
يا مجننة في كل الشباب وسطك عنده انسياب
هطلب طرب وكباب خالصة وعندي الحساب
أنا بيكا وبكبكتوكو، وأنا شاكوش اللي بهزكم
سالكين ليّ وبسلك لكم، عمري في يوم ما أبعد عنكم
يا اللي الغل في دمكم، هفضل قاعد على قلبكم
هيعيش اِسمي شاغل مخكم، وبتقلقوا لما أرجع لكم
