"انت الضهر والسند والأمان".. ليلى زاهر تحتفل بعيد ميلاد والدها

احتفلت الفنانة ليلى زاهر بعيد ميلاد والدها الفنان أحمد زاهر، وذلك عبر حسابها الشخصي بموقع تبادل الصور والفيديوهات "إنستجرام".

بهذه الطريقة ليلى زاهر تحتفل بعيد ميلاد والدها 

ونشرت الفنانة ليلى زاهر مجموعة من الصور التي تجمعها بوالدها الفنان أحمد زاهر عبر حسابها وعلقت على هذه الصور قائلةً:"كل سنة وانت طيب يا احلى وأطيب واجمل اب في الدنيا كل سنة وانت الضهر والسند والأمان ربنا يحفظك ويخليك لينا ونفضل دايما رافعين راسك ومشرفينك بحبك قوي".

في السياق ذاته كانت آخر أعمال الفنانة ليلي أحمد زاهر أغنيتها “ كلمة أخيرة ” والتي كانت أول أعمالها الغنائية وتصدرت الأغنية علي موقع الفيديوهات يوتيوب.

كلمات الأغنية
 

أنا من زمان خوفتني
هزيتلي ثقتي وسبتني
جيتلك عشان كان نفسي أعيش
وأنا جاية أعيش.. موتني

بقى دي النهاية وده اللي بتحاسب عليه؟

أنا من زمان خوفتني
ولغيت مشاعري هزمتني
إزاي هقول.. وبأي عين
شوفتك في يوم بتحبني

جاوب سؤالي وقولي مرة كسبت إيه؟

حكايات وعود مين اللي قال.. مش برضه كان إحنا
مين اللي علقنا في غرام.. وأذانا وجرحنا

حكايات وعود مين اللي قال.. مش برضه كان إحنا
لو كان راحتنا في الفراق.. ده يا
ريته ريحنا.
محتاجه أنام.. وأصحى في يوم ألاقي قلبي نسيك

أنا طول حياتي كلها
حابسة مشاعري لوحدها
قافله عليها الباب عشان
ماتجيبش حد يذلها

أنا كنت فاكرة ده اللي هيجيب الأمان

وأما فتحت الباب لقيت
أذيتها ومعاها إتأذيت
يا ريت فضلت لوحدي يوم
ولا حد قرب منها
ولا حد حاول يبقى ليه أصلا مكان

حكايات وعود مين اللي قال.. مش برضه كان إحنا
مين اللي علقنا في غرام.. وأذانا وجرحنا.

وظهرت ليلى زاهر برفقة الفنانة غادة عبد الرازق من كواليس مسلسل “ تلت التلاتة” المرتقب عرضه في رمضان 2023، معلقة: "مع الملكة.. استنونا".

شخصية ليلى زاهر
 

تشارك الفنانة الشابة ليلي أحمد زاهر في الموسم الرمضاني  بمسلسل “ التلت التلاتة” والتي تُجسد فيه دور نجلة الفنانة “ غادة عبد الرازق” وتقوم بدور ياسمين  طالبة جامعية.