يرويها أصحابها.. مواقف مؤثرة وخيرية في مسيرة مصطفى درويش
يموت الإنسان وتبقى ذكرى الحسنى في الحياة الدنيا، يفنى جسده وتبقى مواقفه الطيبة التي لازالت عالقة في أذهان أصحابه، وفي مشهد مأساوي أفطرت قلوب المتابعين رحل عن عالمنا الممثل مصطفي درويش والتي لقبه الكثير من الأشخاص بأنه رجل الخير، حيث تشهد له موافقة وأعماله بحب الخير والسعي على الأقدام إليه.
فكان مصطفي درويش محب للخير كتوم له، ولكن بعد رحيله روي الكثير من النجوم والمتابعين المواقف الخيرية التي كان يسعى إليه، مما جعل الجميع يحزن على وفاته، فقد أبكت المواقف الكثير من الأشخاص من شدة صدقها.
إيمان العاصي: مصطفي درويش أمني علي عمل الخير وانا بكره الموت
وكانت البداية من عند النجمة إيمان العاصي التي روت موقف جمعها مع مصطفي درويش قائلة: "ماكنتش لسه عارفاه شخصيا بس كنت اسمع إنه عنده مطعم بيفتحه أوقات معينة في اليوم لأي حد محتاج، كلمته وسألته قالي طبعآ هجيلك برجلتي روحت على المكان لاقيت كذا عربيه مليانه واجبات كتير أكتر من عدد الناس ورجاله كتير بتساعد وتوزع وكان عاوزنا نعمل كده كل يوم، وأمني أمانه كل ما نعمل كدا أكلمه، أنا غصب عني بكره الموت قوي صدمه كبيره يا مصطفي اللهم لا أعتراض".
مؤسسة قاوم لمكافحة الابتزاز الإلكتروني عن مصطفى درويش: كان بيعمل خير كتير وخدوم
نعت مؤسسة قاوم وفاة الممثل مصطفي درويش ورواء أحد القائمين على المؤسسة موقف عنه قائلا "البقاء لله في وفاة الفنان المحترم مصطفي درويش..كان انسان عظيم جدًا وبحكم اني كنت بعيش فوق المطعم بتاعه في المهندسين انا عيشت تجاربه الإنسانية ومواقف شخصية كتير جدًا،.يكفي ان كل عمال المطعم والكافيه كانوا بيستنوا يجي.. والحب الكبير اللي كان بيديه لكل اللي حواليه وكان متواضع وجدع جدًا وخدوم، وفعلا كان بيعمل خير وبيطلع وجبات من مطعمه في عز الأزمات لمساعدة الناس، وفاتك يا مصطفي تذكرة لنا جميعًا بأن الانسان يذهب ولن يتبقي له سوي الأثروالأعمال الصالحة".
دعت المؤسسة به قائلا: "اللهم اغفر له وارحمه واعف عنه وعافه وأكرم نزله ووسع مدخله واغسله بماء وثلج وبرد ونقه من الخطايا كما ينقى الثوب الأبيض من الدنس وأبدله دارا خيرا من داره وأهلا خيرا من أهله وزوجا خيرا من زوجة وقه فتنة القبر وعذاب النار".
رجل يروي موقف عالق في أذهانه عن مصطفى درويش يتعلق ب إبراهيم عيسي
وروت أحد المتابعين موقف آخر قائلا: "انا افتكرله موقفين معلقين معايا اول موقف لما فتح الكافيه بتاعه للناس إلى مالهاش مأوى وقت السيول والموقف التاني لما رفض يكمل فيلم "الملحد" بتاع ابراهيم عيسي بعد ماصور منه ٤ أيام وقال مقبلش اكون أداة للحرب ضد ديني ربنا يرحمك ويغفر لك".
فتاة تبكي المتابعين وهي تتحدث عن مصطفى درويش
أبكت أحد الفتيات المتابعين عبر مواقع التواصل الإجتماعي، وذلك عقب إن تحدثت عن مصطفى درويش، حيث قالت "هتنام فى الجنه ونعيمها ياحبيبى، مع السلامة يا مصطفى مع السلامة يا نور عينى، هتوحشنى اوى يا مصطفى والله مش عارفه مين هيسأل عليا تانى انا وولادى من بعدك يا مصطفى،انا كنت يتيمة فى الدنيا دى ومن يوم ما عرفتك وانت حسستنى انى ليا اهل وليا ضهر وسند وعزوة فى الدنيا وكنت دايما تطبطب عليا وتقولى متخافيش ابدا طول ما انا عايش على وش الدنيا واوعى تحملى هم حاجة ابدا، طيب انت دلوقتى سيبتنى وسيبت الدنيا كلها يامصطفى وانا خلااااص بموووت والله هعيش ازاى فى الدنيا دى من غيرك، كسرت قلبى يا مصطفى وقطمت ضهري للا بد،.كنت خُد من عمرى وعيش انت يا مصطفى عيش لشبابك ولاهلك ولحبايبك وللخير اللى طول عمرك بتعمله مع الكل مع السلامة ياحبيبى".
أحد المتابعين تتحدث عن مصطفى درويش وأزمته مع إبراهيم عيسى
قالت أحد المتابعين عن أزمة مصطفي درويش مع ابراهيم عيسى: "مصطفى درويش من نحو سنة كان شغال في فيلم من كتابة إبراهيم عيسى، ولما حصل ان ابراهيم عيسى انكر حادث الإسراء والمعراج.. مصطفى ساب الفيلم وساعتها ابراهيم عيسى قال عليه نكرة.. وصناع دراما كتير قالوا ان ده هيوقف سوقه ومش هيشتغل تاني.. ورغم ان ده ماحصلش ومصطفى السنة دي كان في قمة نجاحه.. الا ان موقف زي ده هو اللي باقيله اكتر من اعماله كلها.. ويحسبله أنه انتصر لمبادئه وعقائده على حساب شغله.. فحقيقي كان حد محترم وأصيل وابن بلد والله وأنا أشهد بده"
