حسن شاكوش يعلق على تصدره التريند: "كل واحد هيتسأل قدام ربنا"
علق المطرب حسن شاكوش، على تصدره للتريند هو وزوجته ريم طارق من خلال حسابه الشخصي على موقع فيسبوك.
منشور حسن شاكوش
وكتب شاكوش: "الحمد الله والشكر ليك يارب علي كل حال الحقيقة الفترة اللي فاتت شاركنا معاكم مشاكل كثيرة مكنش ينفع اننا نشاركها معاكم لأن محدش يعلم شئ طالما محدش شاف حاجة وانا برضو هفضل عند قراري مش هتكلم في اي تفاصيل حتي.
واستطرد: “مهما سمعت اي تجريح بس حقيقي كل شخص هيتسأل قدام ربنا عن كلامة بس الحمد الله وانا حابب اعتذر لكل اهل بيتي وجميع افراد ادارة اعمالي وكل فرد في فرقتي علي الاساءة اللي بيتعرضولها يوميا من خلال السوشيال ميديا وخارج السوشيال ميديا واسف تاني لكل اهل بيت في مصر وبرا مصر علي الاساءة اللي حصلت علي السوشيال ميديا”.
وأضاف: "وحابب اشارك معاكم التريند بطريقة كوميدية وفيديو ترفيهي علي التيك توك دون الاساءة في اي شخص ربنا يعلم إنه ا حاجه ترفيهيه فقط وربنا يهدي حال الجميع والحمد الله علي كل شئ وانتظروا شغل جديد الفترة اللي جاية دعواتكم #عبستك_إزاي_وانتي_مش_بستاني".
محامية زوجة حسن شاكوش
كشفت هايدي الفضالي، محامية ريم طارق زوجة حسن شاكوش، مستجدات أزمة موكلتها ومطرب المهرجانات وذلك بعد استدعاءه أمس من جهات التحقيق بعد اتهامه لزوجته بسرقة نصف مليون جنيه.
وأضافت هايدي الفضالي خلال مداخلة هاتفية مع الإعلامية أميرة بدر في برنامجها "ملفات" المذاع على شاشة قناة "هي"، أن مطرب المهرجانات حسن شاكوش مثل أمس أمام جهات التحقيق لكشف ملابسات أزمته مع زوجته واتهامه لها بسرقة أمواله.
وقالت محامية زوجة حسن شاكوش: علشان ده ملف جواز وطلاق، والناس ديه لما أتجوزت كانت تريند، جهات التحقيق استدعت شاكوش علشان اتهامات بسرقة نص مليون، وقال كلام مش عايزه أقوله، ولجان إلكترونية تدخل، أي إهانة ليها المفروض تكون إهانة ليك قبليها، حتى لو هي ست وحشة ومش كويسة، لو حد غلط فيها وهي على ذمتك يبقى غلط فيك انت، هي شرفك وعرضك واسمك، هنا مش بدافع عن ريم بدافع عن مبدأ، لو واحد اتجوز واحدة وبقت في بيته ميسمحش يقول عليها نص كلمة، والمفروض يمنع اللي يتكلم عليه، هغلط فيها هيهينك، ولما واحد مراته اتهانت يبقى هو اتهان، لما مراتي تتهان يبقى أنا مليش لازمة، ومش موجود، ما بالك بالراجل اللي بيهين مراته، ديه القضية بتاعتي، والمبدأ بتاعي، واللي عايز اتكلم فيه".
