رد صادم من بسمة بوسيل بعد زواج هالة عمر.. فهل كانت الأخيرة السبب في انفصالها عن تامر حسني؟
أثارت المغربية بسمة بوسيل الجدل في الساعة الماضية وذلك من خلال تعليقها على زواج هالة عمر عبر خاصية القصص بصفحتها الرسمية بموقع "إنستجرام" حيث نشرت مقطع الفيديو الذي نشره تامر حسني من زفاف هالة عمر وعلقت عليه قائلة: "حسبي الله ونعم الوكيل فيكي يا هالة".
وقامت أيضًا بنشر قصة عبر صفحتها الرسمية بموقع "إنستجرام" قائلة: "إحترام العشرة بيبتدي بإحترام مشاعر غيرك، بالذات لو حد كان سبب رئيسي في خراب بيتك وهدم حياة ولادك".
منشور تامر حسني الذي يوضح علاقته بهالة عمر
وضح تامر حسني صلة القرابة بينه وبين هالة عمر من خلال فيديو من حفل زفافها حيث أشار إلي أنها هي مسؤولة السوشيال ميديا الخاصة به وبجميع أعماله حيث نشر قائلًا: “لكل اللي بيسأل عن ايه وجه القرابه بيني وبين العروسه الجميله دي شايف اسأله كتير انا هحكيلكوا هي اسمها هاله عمر عرفتها كانت بنت من الفانز صغيره ومن المقاتلين والمدافعين عن تامر على الانترنتو من كتر دفاعها عني لفتت نظري و مره رديت عليها شكرتها ولما سافرت اسكندريه في الوقت ده لقيت بنت صغيره أو ي بتعيط وبتجري عليا فا وقفتلها وفكرتني بنفسها وفضلت تعيط وتقولي احنا معاك ولازم تكمل عشان كنت بتحارب جدًا في بداياتي فا اتصدمت ان اللي بتقول كده بنت صغيره كده والمجهود ده كله اللي عاملاه بنت صغيره عندها ١٤ سنه وقتها كانت السوشيال ميديا لسه بتطلع وكنا في شركتنا بندور على شركه كبيره تمسكلي السوشيال ميديا لحد ما قولتلهم انا مش عايز شركه كبيره انا عايز البنت الصغيره دي هي اللي تمسكها فضلوا يقنعوني ان كده مش صح ولازم اكتر حد خبره يمسكها وانا قولت لا لازم اكتر حد بيحبني هو اللي يمسكها وانا واثق ان طاقة الحب مفعولها اقوى من طاقة المحترف بلا حب فعرضت عليها تشتغل معايا وهي في السن ده مصدقتش طبعًا ومن ساعتها وهي اللي ماسكه كل شغل الميديا”.
وأضاف: "الطفله الشاطره اللي كبرت دلوقتي قدامكم هاله عمر،،، اما بقى عريسها العسل ده اسمه عمرو طلب اديها مني انا عشان والدها ووالدتها توفاهم الله. في سنه واحده رحمهم الله ياريت نفتكرهم ونهديلهم ثواب الدعاء والفاتحه.. ومن اللحظه دي اتحولت هاله لبنتي الكبيره بجد اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش ارد على كلامك عني في الفرح يا هاله رديت دلوقتي هنا ربنا يكرمك و يسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع اولادكم الجُمال بإذن الله".
انفصال تامر حسني وبسمة بوسيل
ونشرت بسمة بوسيل من عدة أيام من خلال حسابها الشخصي بموقع تبادل الصور والفيديوهات إنستجرام بخاصية إستوري خبر انفصالها وطلاقها من تامر حسني بشكل رسمي، ليرد عليها تامر حسني ويؤكد الخبر بشكل رسمي وأنه سوف يظل الأب والأخ والسند والصديق دائما.
