"لم يتم الاتفاق رسميًا عليه".. حمادة هلال يحسم الجدل حول وجود جزء رابع من "المداح"

تحدث الفنان حمادة هلال عن الأمر الذي يشغل بال جمهوره ومحبيه عقب انتشار أنباء تفيد بوجود جزء رابع من مسلسله الشهير "المداح"، ولكن قرر حمادة هلال أن يخرج عن صمته ويرد من خلال تصريحات صحفية ويحسم الجدل فقال: "أنا اتمنى اعمل المداح ١٠ اجزاء لان فكره الاساطير كتيره أو ي بس إلى يقدر يكتب حاجه زي ده بقى هو إلى هيتعب والله يعين المؤلفين، فـ انا عن نفسي كممثل اتمني اعمل منه اجزاء كتير لكن لغايه وقتتا هذا مفيش وانا لما قولت ان شاء الله في ده كان حته من باب التفاؤل ان يتعمل ورق كويس قدام ان شاء الله".

وتابع عند سؤاله عن الشعور بالملل عند تجسيد شخصية صابر المداح: "لو سألت اي فنان هيقولك مش عايز اتحط في استايل واحد، لان التنوع مطلوب جدا بس القدر بيستفزني وبيخلني اكمل وانا بستمتع في شخصية صابر فاتمني اعمل حاجه مختلفة وارجع لصابر تاني برضه والمداح ميخدمنيش كمطرب انما يديني خطوات في التمثيل، نفسي اعمل رحله صعود بطريقة مختلفة واني اعمل شخصية مطرب لاني معملتهاش قبل كده". 

حمادة هلال يكشف عن كواليس حصرية بينه وبين نجوم المداح

وتحدث حمادة عن الكواليس الخاصة بالمداح وقال: "أنا كنت واقف مبسوط من المشاهد بيني وبين محمد رياض وعمال اقول للمخرج مفيش مشاهد تانية والمشهد المواجهه بيني وبين محمد رياض واغلب المشاهد كان مشهد واحد وبالنسبه لاحمد سمير المخرج اول احساس ده هو الصح والحلو المشاهد الصعبة بالنسبة لي كانت مشاهد الرقية وانك ترقي حد ملبوس هي دي إلى كانت أصعبهم بعيدًا عن المغارة وكل الاحداث وسلمى كانت خايفة تيجي المسلسل قولتلها متخافيش انتي معاكي المداح وهي عملت الدور هايل بصراحة وحاولنا نطمنها وفي على النت حاجات كتير ومشاهد مشابهه للحقيقة بس طبعا في حاجات مبالغة فيها".

وتابع: "قعدنا أكتر من ٨ شهور في الكتابة وعيدنا كتير أو ي عشان هي شعرة بسيطة بين الكوميدي والرعب وعملنا حاجات كتير عشان تناسب الاحداث ومنكونش بنضحك الناس بدل ما نرعبهم ونبقي تريقة للناس".
"المداح صعب يتعمل ٣٠ حلقة، الخواجة لما بيعمل الحلقات في مسلسلات الرعب دي بيعمل ٦ حلقات عشان يعمل خمس مواسم فـ الموضوع مش تعب بس ده موضوع كبير أوي أوي، ده مسلسل رعب مش مسلسل اجتماعي وحدوته المداح صعبة ولكنه براند بيعيش وله حكاية لوحده ويارب تكمل على خير".

حمادة هلال يتحدث عن السوشيال ميديا

تحدث حمادة عن وسائل التواصل الاجتماعي وقال: "السوشيال ميديا بقت صعبه جدًا والناس بتقلد بعضها في الكومنتات فلازم اسمع الآراء واعملها يعني مثلا احنا قللنا أوي في الرباعيات الجزء ده عملنا نحو ٣ أو ٤ بس في مكانهم لاننا زودنا الوضع جدًا وزودنا الرباعيات في الجزء إلى فاتت.

وتابع: "لما تلاقي كومنتات كتير ورا بعض اعرف أن ده كمين وساعتها الموضوع ده مبيأثرش فيا خالص إنما لو حد واحد بس بيتكلم وبينصح فهو ده بيكون عنده حق 
وحاولت أوجه رسالة من خلال المداح انهم يلجأو لربنا ويبعدوا عن أمور السحر".

وتابع: "أنا حبيت صابر المداح أوي وشوفت رموز معينة عشان أعرف أعمله وكل اما اقعد اشوف مسلسل تاني عشان أعمله قبله كان هو يجي في بالي لأنه في بالي من 6 سنين  وقبل عيال حبيبة برضة كان نفسي اعمل حلم العمر ولكن الجمهور كان خايف من فكرة اني مطرب وبتضرب بس عملته ونجح، نجاح الغنوه بيفرحك أوي أوي لما تلاقي الاغنية عايشه من زمان بتخليك مبسوط ونجاح التمثيل لما بيكون الموضوع تقيل بيبقي حاجه تانية".

تفاصيل مسلسل المداح

يعتبر آخر أعماله هو مسلسل "المداح" الجزء الثالث من بطولة حمادة هلال وهبة مجدي ويسرا اللوزي ومحمد عز وعصام السقا ودنيا عبد العزيز وحنان سليمان وهلا السعيد وعفاف رشاد وخالد سرحان ومحمود عامر وبسمة ماهر وتامر شلتوت وسلمى أبو ضيف ورانيا فريد شوقي ومحمد مهران ولوسي وعبد العزيز مخيون وأحمد ماهر وصبحي خليل وأحمد كشك، إنتاج شركة سكرمو ميديا- إسلام المرسي، من تأليف وليد أبو المجد وأمين جمال وشريف يسري ومن إخراج أحمد سمير فرج.