منة شلبي: "صحابي بينادوني يا دكتورة وبفهم في الطب"

تصدرت الفنانة منة شلبي منذ قليل محرك البحث الشهير "جوجل" بأكثر من ألفي عملية بحث خلال الساعات الماضية وذلك بسبب تصريحاتها الأخيرة مع أمير كرارة في برنامج "سهرانين" وتحدثت عن بدايتها الفنية بالإضافة لحديثها عن والدتها وبعض الأمور الذي تخص خلافها مع هند صبري.

وقالت منة شلبي عن خلافها مع هند صبري: أنا وهند صبري مكانش لينا في بعض أوي، طلعت أنا وهي مع بعض، كانت هي بتعمل مواطن ومخبر وحرامي ومذكرات مراهقة، وفي نفس السنين دي أنا كنت بعمل الساحر وبحب السيما، واحنا كنا متنافسين تماما، فيجي حد يقولي دي مش بتحبك. 

وتابعت: وفي فيلم أحلى الأوقات كان فيه بينا ود شديد، وأنا وهند مكناش قريبين من بعض، بس من كتر ما أحنا بنحب حنان ترك جدًا، تلقائي بقينا قريبين، وخلص الفيلم لا حرب ولا سلم.

واضافت: وبعد كدا جالنا بنات وسط البلد، واحنا الاتنين مكانش في بينا خناقة، ومكنش في بينا حب، فأستاذ محمد خان قالي هند هتعمل دور جومانا فقولتله مفيش مشكلة، فقالي انتو هتيجوا عندي البيت نعمل بروفة، وهناك قولتلها أنا في كلام عايزة اقولهولك، قالتلي

منة شلبي: أصحابي بيقولولي يا دكتورة

تحدثت الفنانة منة شلبي عن معرفتها بالاسعافات الأولية بشكل جيد وقالت: "القريبين مني أوي دايما بيقولولي أوقات يا دكتورة علشان انا شاطرة في الإسعافات الأولية وبعد الأولية بقدر أنقذ".

وتابعت: "لو حد كلمني وقال لي القولون تعني فأنا اقدر اقوله خد علاج معين وكذا كذا وفيه حاجات معينة بقدر اسد فيها، صاحبي القريبين مني أوي بيقولولي يا دكتورة منة احنا مبنروحش لدكتور غيرك وعندنا كذا كذا قوليلنا هنعمل ايه".

وأردفت: "بفهم في علاجات الجيوب الأنفية والقولون والمعدة وضهري اتكسر قبل كده فبقى عندي خبرة في موضوع العظام واقدر افرق ان حد عنده كدمة أو شرخ أو كسر".

منة شلبي تدافع عن شيرين عبد الوهاب

انفعلت الفنانة منة شلبي بعدما تم سؤالها عن الفنانة شيرين عبدالوهاب وطلب المذيع توجيه رسالة لها أيضًا عقب أزمتها الأخيره، وذلك بالتزامن مع تكريمها في حفل الموريكس دور في لبنان فقالت منة: "سيبوها في حالها، سيبوا شيرين فـي حـالهـا وفـكـروا أنها انـسـانه مـمـكـن يـحـصـلـهـا لـحـظات صعود وهـبـوط، ميتهيقليش الفنان لازم يكون رسـول، هـو رسـول لفنـه، لكـن هـو إنسان لـيـه حياته، الشخصية ومـش مـن حـق كل الناس تقعـد تقـول رأيها فيه، شيرين أهم مطربة في الوطن العربي وحياة الإنسان الشخصية وارد فيها الخطأ والصواب مينفعش الناس تجلد حد على إختياراته وحياته".

آخر أعمال منة شلبي

في سياق آخر، تعتبر آخر أعمال منة شلبي في الموسم الرمضاني  لهذا العام، بمسلسل "تغيير جو"، وهو من تأليف منى الشيمي وإخراج مريم أبوعوف، ومن بطولة: منة شلبي، إياد نصار، أحمد مالك، والمسلسل من إنتاج صادق الصباح.