مراسلة قناة "DMC" تستغيث بعد فقدانها النطق
أستغاثت مراسلة قناة dmc أميمة بدري عبر صفحتها الشخصية موقع التواصل الإجتماعي "فيس بوك"، وذلك بعد تعرضها لأزمة نفسية.
وطلبت أميمة بدري المساعدة من جمهورها بعد فقدانها النطق عبر صفحتها الشخصية.
وقالت أميمة بدر: "أنا محتاجة حد يساعدني ارجوكم أنا فجأة فقدت النطق مش عارفة أنطق ولا اتكلم وشفتي طبقت زي البكم والصم وصوتي مش طالع ومش قادرة اخد نفسي انا خايفه ومش عارفه اعمل ايه انا تعبانه جدا ومش قادرة انا مخضوضة من اللي حصلي".
وبعد ساعات من منشورها وجهت الشكر لمتابعيها وطلبت الدعاء لها، حيث نشرت صورة للتحاليل التي أجرتها وكتبت: "الحمد لله رب العالمين على كل حاجة حصلت ليا، أنا بكتب وانا مش قادرة لاطمنكم أنا روحت المستشفى وعملت الأشعة المقطعية على المخ".
وأكملت حديثها قائلة: "الحمد لله مفيش جلطة بس للاسف فقدت النطق بسبب إني زعلت جامد أدعولي دعوة صادقة، أنا محتاجة لدعواتكم وشكرا لكل اللي بيكلمني بس حرفيا مش قادرة من الصدمة".
وتابعت أميمة بدري: "أنا دكتور كتبلي أدوية وقالي لازم ارتاح تمامًا وخلال 3 أيام لو مش اتحسنت ورجعت اتكلم هتابع مع دكتور أعصاب واعمل جلسات كهرباء لأعرف أتحسن ادعولي اعرف انطق تاني وأرجع لحياتي".
واختتمت: "أنا نفسيا مش أحسن حاجة دعواتكم وشكرا للتواصل معايا ولكل واحد حاول يكلمني ويساعدني وشكرا للي جالي البيت ووداني المستشفى دعواتكم، واللي يعرف الأدوية دي تمام ولا حد يقولي أعمل إيه لأن أنا قلقانة".
