فيفي عبده:"لو فيه دور يناسبني مع محمد رمضان هعمله ومش عاوزة العطف وأنا دايما واقفة زي الأسد"
أوضحت الفنانة فيفي عبده عدة تصريحات خلال لقاءها ببرنامج ET بالعربي، وتحدثت عن أزمتها الصحية الأخيرة وعن ثروة محمد رمضان والتعاون معه.
ماذا قالت فيفي عبده عن ثروة محمد رمضان ؟
قالت فيفي عبده: "محمد رمضان جاب منين ثروته، هل لابس طاقية الإخفاء، هو عمل أعمال ولم الثروة دي من ورا الأعمال والسوق عرض وطلب، وطالما الناس عايزينه مش هتقدر تقف قدام الرزق اللي جايله، وهو عمل ثروته بسبب رضا أبوه ورضا أمه".
وتابعت: "وممكن يكون عامل حاجات احنا منعرفهاش، ربنا بيرزقه، ومنقدرش نقول رزقه ليه، لكن عنده أخطاء ولا شك أن كل بني آدم عنده أخطاء".
ماذا عن تعاون فيفي عبده مع محمد رمضان؟
قالت فيفي عبده عن تعاونها مع محمد رمضان: " لو فيه دور يناسبني مع محمد رمضان هعمله، وأنا شغالة، أنا عاملة 25 فيلم و30 مسلسل و13 مسرحية، يعني مفيش حاجة نقصاني أو حاجة أنا نفسي أعملها، بس نفسي أعمل حاجة مكونش عملتها".
ما الرسالة التي وجهتها فيفي عبده للجمهور؟
قالت فيفي عبده: "لأول مرة بقول لجمهوري ارحموني الناس كلها بتحبني، لكن أنا ممكن أحسد نفسي والحسد موجودة ولكن زاد عن حده معايا، ومش عاوزة أضعف وأقول لهم أني محسودة لأني مش عاوزة العطف وأنا دايما واقفة زي الأسد برقص ومبسوطة وبسمع المزيكا، ومش عاوزة اكئب الناس لأن الناس دي بتصحى من النوم تشوف صفحتي ويشوفوا عاملة إيه".
ما الأزمة الصحية التي تعرضت لها فيفي عبده؟
كشفت فيفي عبده عن أزمتها الصحية الأخيرة، قائلة: "الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة التاج ولو مال الدنيا معاك لو مفيش صحة يبقى أنت مش معاك حاجة".
وسبق وأن كشفت الفنانة القديرة فيفي عبده عن تفاصيل تعرضها لأزمة صحية خضعت على أثرها لعملية جراحية، مشيرًا إلى أنها محسودة وأحدهم صنع لها عمل من أعمال الدجل والشعوذة.
ما النصيحة التي وجهتها فيفي عبده للسيدات ؟
وعلى صعيد آخر، وجهت الفنانة فيفي عبده عدة نصائح للسيدات، كما روت تجربتها مع الإجهاض، وتحدثت عن طلبها الطلاق من زوجها لموقف غريب.
وقالت فيفي عبده خلال استضافتها في برنامج كتاب الشهرة التي يقدمه الإعلامي علي ياسين، وذلك عبر قناة الجديد:" كل الرجالة بتخون وتقول هل من مزيد".
