"الغضروف قفل على العصب ورجلي بقيت تقيلة".. فيفي عبده تكشف تطورات حالتها الصحية
أوضحت الفنانة فيفي عبده عدة تصريحات خلال لقاءها ببرنامج ET بالعربي، وتحدثت عن الانتقادات التي تواجه الفنانة شيرين عبد الوهاب بسبب تصرفاتها العفوية، كما تحدثت عن ازمتها المرضية الأخيرة.
بماذا علقت فيفي عبده على تصرفات شيرين عبدالوهاب؟
قالت فيفي عبده: " هو الفنان دا مش بني آدم؟ هو أنت ليه عايز تقول أن الفنان دا مش من حقه يعمل أي حاجة.. ازاي؟ يعني أنا لو دمي خفيف وبهزر مع الجمهور وطلع منها لفظ من غير ما تقصد، وهي بتتراجع وجمهورها بيقولها، احنا بنحب جمهورها، وزي ما بيقول الجمهور احنا ماشيين وراه"
وتابعت: "لكن احنا بردو بشر وبني آدمين، ومن حقنا الناس تشوف حياتنا العادية، وكلامنا العادي، ومش لازم نبروز الكلام، والموضوع اختلف تمامًا عن ما كنا زمان".
ما حقيقة الأزمة الصحية الأخيرة للفنانة فيفي عبده ؟
قالت كشفت فيفي عبده: "الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة التاج ولو مال الدنيا معاك لو مفيش صحة يبقى أنت مش معاك حاجة".
وسبق وأن كشفت الفنانة القديرة فيفي عبده عن تفاصيل تعرضها لأزمة صحية خضعت على أثرها لعملية جراحية، مشيرًا إلى أنها محسودة وأحدهم صنع لها عمل من أعمال الدجل والشعوذة.
لماذا لم تشارك فيفي عبده في السباق الرمضاني الماضي؟
وسبق وأن أعلنت الفنانة فيفي عبده اعتذارها عن المشاركة في مسلسل “آخر الزمن” الذي كان من المقرر عرضه على شاشة التلفزيون في السباق الرمضاني الماضي، وذلك من خلال منشور عبر حسابها الشخصي على موقع تبادل الصور والفيديوهات “إنستجرام”.
و نشرت فيفي عبده مقطع فيديو لها، وقالت فيه: “يا مساء الورد والفل والياسمين والهنا من مصر أم الدنيا، أنا طلعت قولتلكوا أني مضيت مسلسل أخر الزمن، بس أنا دلوقتي طالعة أقولكم أني اعتذرت عنه عشان خاطر وقتي ضيق جدا، ومقدرش طبعا أعمل حاجة ومفيش وقت خالص”.
وتابعت: “فبقولكم كل سنة وأنتم طيبين وإن شاء الله نعمل حاجة برا رمضان أو في رمضان برنامج أو حاجة زي كدا، وإن شاء الله الأيام جاية كتير، وبالتوفيق لكل الناس اللي بتشتغل دلوقتي”.
