رامي جمال لـ "حبر سري": أرفض الغناء في حفلات أو أفراح فيها شرب خمور وراقصات

أكد الفنان رامي جمال، رفضه الغناء في أماكن فيها شرب خمور أو تشاركه راقصات، قائلا: "فكرة أني أغني في أماكن فيها شرب خمور برفض وعندي تحفظات على حاجات معينة وبرفض الرقاصات برضو ومتطلعش الرقاصة معايا في فقرتي في حفلة أو فرح".

وأوضح رامي جمال، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، أنه يفضل الاستحواذ على الاهتمامات لذلك لا يفضل وجود راقصات معه، مضيفا: "لو اتعمل لي مفاجأة بوجود راقصة في فرح همشي، والرقص فن في ناس بتحبه ولكن متطلعش معايا أنا شايف اخد الاهتمام لوحدي".

ورد رامي جمال، على موقفه من تحريم الفن، قائلا: "أنا مش شيخ وأنا شايف كل الشغلات فيها الحلال والحرام وفي شبهات ممكن الواحد يتجنبها ومش عايز أحدد الشبهات عشان لو في زملاء بيعملوها، واللي يحلل ويحرم الشيوخ وشايف ان فني اقدمه لوحدي".

احتفالًا بعيد ميلاده.. رامي جمال يُعلن طرح أغنيتين جديدتين في هذا الموعد 

شارك رامي جمال جمهوره صورتين جديدتين له، مُعلقاُ عليهم:" يلا بينا، جهزوا أسئلتكم عشان أنا قررت يبقى في كل شهر يوم بنطلع فيه نتكلم سوا، وعندنا يوم ٢٥ اللي جاي عيد ميلادي، وقررت إني أنا اللي هديكم أغنيتين في نفس اليوم هدية إن شاء الله، تحبوهم إيه".

"Gps".. آخر أغاني رامي جمال
 

وكان رامي جمال، قد طرح مؤخرًا عبر قناته الرسمية على موقع الفيديوهات "يوتيوب"، أغنية "Gps"، التي حقق من خلالها نجاحًا كبيرًا ونسب مشاهدات عالية، عبر قناته الرسمية على موقع الفيديوهات "يوتيوب"، وتعد الأغنية أول أعماله الصيفية لعام 2023.

من هم فريق عمل أغنية "Gps" لرامي جمال؟ 

أغنية "Gps" من إنتاج رامي جمال، ومن كلمات محمود طلعت، توزيع وميكس وماستر أحمد حسام، إلهامي دهيمة، ألحان أحمد العدل.