درة: "نفسي أثق في نفسي أكتر وأنا شخصية مترددة"
كشفت الفنانة درة، عن رأيها بالحسد، والموضة، وغيرها من الأمور، حيث قالت درة "الجواز مينفعش يكون هدف حياة البنت ولو معملتش دا يبقى محققتش حاجة، بالعكس ممكن السنجل تكون مبسوطة وأنا عملت أغنية من زمان مع أبلة فاهيتا عشان أقول كدا، ومش لازم البنت تتجوز عشان تفرحوا بيها وممكن تفرحوا بنجاحها ودراستها.
ما نصيحة درة للسيدات؟
وأضافت خلال تصريحات تلفزيونية: "لازم المرأة تختار اللي يناسبها ويناسب شخصيتها ومش مجرد تقليد وخلاص وتعرف تنسق الملابس والألوان دون ما يكون مبالغ".
وتابعت:"أنا بيحصلي أشياء كتير ومعرفش سببها يمكن قدر مش شرط حسد، وأنا معنديش كل حاجة عشان أتحسد وزي كل الناس مفيش سبب يخلي حد يحسدني".
درة: نفسي أثق في نفسي أكتر وأنا مش مغرورة
وقالت: “أنا نفسي أثق في نفسي أكتر ولكن الناس بتفتكر إني مغرورة، ودا سببه إني بتكسف وفي حالي وبتكسف أكلم حد وأي حد يعرفني في الحقيقة بيعرف إني مش مغرورة أبدا، وخجولة جدا وعمري ما بشتم ولا بضرب ولا باخد حقي وبيكون نفسي آخد حقي لأني أكيد هقدر”.
