محمد هنيدي:" أبويا وداني ألعب عقلة علشان أطول.. وعندي أعمال مكانتش طموحي ولازم أكون صريح مع نفسي"
حل الفنان محمد هنيدي ضيف، أمس الجمعة على برنامج " ضيفي " مع الإعلامي معتز الدمرداش، المذاع عبر شاشة قناة الشرق الإخبارية، وتحدث عن حرصه على اختيار الأعمال الجيدة من أجل الجمهور وأبرز المواقف الطريفة معه.
ما هو سر نجاح محمد هنيدي؟
وأكد محمد هنيدي أنه حريص على أن يكون صريحًا مع نفسه قبل الجمهور وإذا شعر أنه قدم عملًا لا يرضيه أو عكس ما توقعه الجمهور يختفي ويحاول العودة بعمل أهم، قائلًا: "الموضوع بصراحة خطر لما أنت كفنان تقدم عمل مش هقول دون المستوى ولكن فيه وجهة نظر مش حلوة وأنت تشوفها حلوة والناس وتقاوح، وأنا أحيانًا بقدم بعض التجارب البسيطة، والناس كانت عاوزة تشوفها أحلى وأنا أولهم، مش بطلع بقول أنا آسف ولكن بختفي وأرضيهم في التجربة اللي بعدها، وكان هناك تجارب ما كنتش طموحي ولا طموح الناس ولازم أكون صريح مع نفسي قبل الناس وما شفش حاجة 70 في المية وأقول دي 100 في المية لا أعوذ بالله".
وتابع محمد هنيدي: "اتعلمت في المعهد أن السينما فن وتجارة وصناعة، وبالنسبة للممثل القلق والتوتر مهما قدم، يظل القلق لحد أول أسبوعين من نزول الفيلم، وأنا قلقان جدا، والحمد لله مطمنين للفيلم وبذلنا فيه مجهود كبير ولكن يظل مقابلة الجمهور تشغلك".
أبرز المواقف الطريقة مع محمد هنيدي
روى محمد هنيدي موقفا طريفًا عن قصر قامته قائلًا: "كان عندنا ساحة شعبية في إمبابة وجارنا اسمه صلاح كظمة حد رياضي جدًا، وكل شباب المنطقة بيلعبوا عنده رياضة، وأبويا وداني ليه علشان أطول، لكنه اتعامل معايا غلط أنا كنت رايح ألعب عقلة علشان أطول، ولكن هو كان بيشيلني أحمال ويضغط عليا، فأبويا يقول لي هو بيلعبك إيه.. في إيه يا واد مالك؟"
تفاصيل فيلم مرعي البريمو
كما تحدث محمد هنيدي، عن أحدث أفلامه "مرعي البريمو"، قائلًا: "فيلم مرعي البريمو أيام قليلة ويبقى في السينما، وهو تجربة جميلة وأحلى ما فيها العودة مع المخرج سعيد حامد".
وقال محمد هنيدي عن فيلم "مرعي البريمو" المقرر طرحه بدور العرض السينمائي أغسطس المقبل: "أحلى ما فيه عودة سعيد حامد والتعاون معه مجددًا بعد سنين، وهو عامل شغل جميل إلى جانب باقي طاقم الكوكبة اللي في الفيلم والفيلم سيحوي نسبة كوميديا ترضي الجمهور".
