منتج "ع الزيرو": سبب تأجيل الفيلم انشغالنا بدراما رمضان 2023

انفردت كاميرا “الفجر الفني” بلقاء منتج “على الزيرو” أثناء العرض الخاص للفيلم بإحدى سينمات أكتوبر يوم 30 يوليو، حيث كشف عدة أسرار عن العمل. 

في البداية كشف منتج فيلم ع الزيرو للفجر الفني، سبب تأجيل  الفيلم، موضحا: “كان في أسباب غير بعض كان عندنا احنا ومحمد رمضان نفسه أعمال رمضان اللي فات وطبعا عشان تعمل أعمال لرمضان بتحتاج لوقت تصوير كبير ومجهود خاص وشهور بتروح ونوع الفيلم ده ما يتصورش في اسابيع صغيره لأنه نوعه صعب فما كانش عندنا  الرفاهيه لده”. 

وأضاف في حديثه قائلا: “الحمد لله الفيلم أجوائه سهله ولكن تنفيذه صعب وكان في تصوير خارجي كتير بنجوم كبار زي محمد رمضان وجومانا ومراد ونيللي كريم وإسلام إبراهيم وأحداث الفيلم تقيله ومنها أنواع كثير وكذا نوع جواه ومش شيء سهل تتعامل بسهوله مع كل ده”.

وتابع: “أنا اللي اقدر اقوله أحنا الحمد لله عاملين فيلم مختلف عن أفلام محمد رمضان وعشان كده أحنا كنا مستنيين نرجع مع بعض عشان نبين للناس أننا يوم ما نشتغل مع بعض بنعمل حاجه مختلفه فيا رب ينجح ويبقى أنجح عمل في العالم وأهم حاجه الجمهور يحبه وخلاص وإن شاء الله في أعمال جديده تجمع بيني وبين محمد رمضان قريب”. 

فيلم " ع الزيرو"، بطولة محمد رمضان، نيللي كريم، منذر مهران، چومانا مراد، شريف دسوقي، إسلام ابراهيم، وضيوف الشرف خالد الصاوي، محمد لطفي، ومن تأليف د. مدحت العدل وإخراج محمد جمال العدل ومن إنتاج جمال العدل. 

تدور أحداث «ع الزيرو» في إطار اجتماعي يجمع بين «الأكشن» والكوميديا حول حياة شخص بسيط وشريف يسمى «دراجون» يعاني من قلة الرزق وأشياء أخرى، ولكن تحدث له تحولات مع توالي الأحداث.