علي الخواجة لـ "الفجر الفني": أغنية "دي حبيبتي" أعجبت سامو زين أول ما سمعها.. وهذا رأيي في الذكاء الاصطناعي (خاص)
تصدرت أغنية "دي حبيبتي" للفنان سامو زين التريند ومواقع التواصل الإجتماعي ومنصات الإستماع منذ بداية طرحها منذ أيام، فيما كشف الملحن علي الخواجة، لـ "الفجر الفني" كواليس الأغنية، كما أفصح عن رأيه في تقنية الذكاء الاصطناعي وهل ستؤثر على الفنانين.
في البداية قال الخواجة: "كنا شغالين أنا والملحن محمد شحاته وعملنا اللحن وكنا نري أنه لحن مُختلف، بعد كدة بعتنا اللحن للشاعر محمد فتحي كتبها واشتغلنا عليها مع الموزع محمود صبري، وسمعنا الأغنية للفنان سامو زين وأعجبته وكان مبسوط بيها جدًا، ولما سمعنا الأغنية بصوته توقعنا نجاحها وأنها تلمس الناس والحمد لله ده حصل".
وأفصح عن رأيه في تقنية الذكاء الاصطناعي قائلًا: "الذكاء الإصطناعي أنا شايفه أنه فكرة متطورة زي ما كل حاجة بتتطور، بس أنا شايف أنه لا يمكن أن يقصر على الفنان أنه يقدم أعمال جديدة، لأن الفكرة أنه بياخد صوت اللي بيقول بطريقته ويركبه على صوت فنان تاني لكن الإحساس وحاجات كتير بتكون مش موجودة فهي فكرة مش هتأذي الفنان في أي حاجة".
ولدى سؤاله عن الفنانين الذين يمكن أن يلحن لهم وفي المقابل من يرفض التعاون معهم قال: "شرف ليا أني اشتغل مع كل الفنانين المحترمين القيمة والقامة لمصر طبعًا مفيش حد ممكن أرفض أني أعمله لحن بعينه يعني، بالنسبالي شغل لو حد طلب مني حاجة حلوة قدرت اعملها هعملها، بس مفيش حد ممكن أرفض اعمله شغل لأن في الأول والآخر ده بيزنيس انا ملحن وفي مغنيين بتكون عايزة اغاني فمش همانع خالص".
