الآن على اليوتيوب.. "نسمة محجوب".. تدعو للتفاؤل بـــ "اللمة" فى أغنية "الوقت يعدى"

طرحت اليوم النجمة نسمة محجوب، أحدث أعمالها الغنائية على اليوتيوب، والمنصّات الموسيقية، ومواقع التواصل الاجتماعى، ومحطات الراديو، التى تحمل عنوان "الوقت يعدى" من كلمات الشاعر مصطفى ناصر، وألحان راندو هارفي، وتوزيع موسيقى ماهر الملاخ، ومن إخراج إبراهيم عزت، وتوزيع شركة ديجيتال ساوند.

أحدث اغاني نسمة محجوب

تبدأ الفنانة نسمة محجوب نشاطها الفنى فى موسم هذا الصيف، بأغنية "الوقت يعدى" ومن خلال الفيديو تدعو باستغلال الوقت، فى دعم حالة من التفاؤل والأمل والسرور عن طريق "اللمة" التى تجمع بين الأهل والأحباب والأصدقاء، حتى تبعث في النفوس الراحة والاطمئنان، فعندما نجتمع مع من نحبهم ونشعر بالراحة، يزول التوتر والقلق الذي ينتابنا بسبب ضغوط الحياة.

كلمات أغنية الوقت يعدي

 وتقول كلمات أغنية "الوقت يعدى":

عاجباني اللمة.. وخصوصا لما
تجمعنا صورة فـ مكان حبيناه
ونلاقي روحنا.. لو حد غنى
من غير ما نفكر بنغني معاه
ولا تحلى غير بيك.. ده الكل مستنيك
ولا تحلى غير بيك.. اوعى تسيبها تعديك
و الوقت يعدى ويعدى.. عدى عدى عدى
ولا نحس بيه
عاجباني الدنيا.. لما تيجي ف ثانية
تجمع ما بين اهل واصحاب وناس
طول ما الحبايب.. مافيهمش غايب
لازم هنفرح هنفرح خلاص
ولا تحلى غير بيك.. ده الكل مستنيك
ولا تحلى غير بيك.. اوعى تسيبها تعديك
نسرق شوية وقت لينا.. من الحياة ومن السنين
ايه احلى مـ الدنيا فـ عينينا.. لو نكون متجمعين
و الوقت يعدى ويعدى.. عدى عدى عدى
ماتيالا نغنى ونغنى.. غنى غنى غنى
فالوقت يعدى ويعدى.. عدى عدى عدى
ولا نحس بيه