بحبكم أوي.. فيفي عبده تكشف عن آخر تطورات حالتها الصحية

كشفت الفنانة فيفي عبده تفاصيل حالتها الصحية بعد تعرضها لأكثر من وعكة صحية خلال الفترة الماضية، موضحة أنها تتعرض لحسد وسحر.

وقامت فيفي عبده بنشر مقطع فيديو عبر حسابها الشخصي على موقع تبادل الصور والفيديوهات انستجرام، وقالت: ياصباح الفل والياسمين والهنا من الساحل الشمالي بقالي نحو كام يوم هنا طلعتلكو قبل كده مرتين صورة وفيديو.. أنا في الساحل الشمالي المكان رائع والدنيا هادية أنا بحبكو جدًا وعايزة أقولكو إني زي الفل وصحتي زي الفل.

وتابعت: والله أكبر عشان محدش يحسدني ولا يؤر عليا وحبكو وصلني للي أنا فيه، ربنا يخليكو ليا ويارب 5 في عين العزال يارب للي بيؤروا عليا ويتمنولي المكروه إن شاء الله ابقى في كل حلو بحبكو أوي و5 أمواه وأحلى أمواه  من الساحل الشمالي بحبكو.

وكتبت فيفي عبده على الفيديو معلقًة: مساء الفل من الساحل الشمالي أنا بشكر ربنا علي حبكم ليا وأي حاجة حلوة أنا بكون فيها بيكون بفضل ربنا والفضل ليكم ولحبكم ليا بحبكم أوي.

https://www.instagram.com/reel/Cv0QjiVOEFp/?igshid=NjIwNzIyMDk2Mg==

تعرض فيفي عبده لوعكة صحية

يشار إلى إنه كانت فيفي عبده قد كسفت عن تعرضها لوعكة صحية شديدة، مؤكدة أنها تتعرض للحسد في كثير من الاوقات.

وقالت فيفي عبده في لقاء مع et بالعربي: لأول مرة بقول لجمهوري ارحموني الناس كلها بتحبني، لكن أنا ممكن أحسد نفسي والحسد موجود ولكن زاد عن حده معايا، ومش عاوزة أضعف وأقول لهم أني محسودة لأني مش عاوز العطف وأنا دايما واقفة زي الأسد برقص ومبسوطة وبسمع المزيكا، ومش عاوزة اكئب الناس لأن الناس دي بتصحى من النوم تشوف صفحتي ويشوفوا عاملة إيه.

كما تحدثت عن تفاصيل الوعكة التي تعرضت لها، قائلة: الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة تاج ولو مال الدنيا معاك ومفيش صحة يبقى أنت مش معاك حاجة.

وتابعت فيفي عبده: دوروا على عروق في إيدي مالقوش ولما عملوا ليا فحص لقوا القلب فيه رفة، وطبلوا على الهواء دكتور قلب وخدت بنج وعملوا ليا منظار علشان يطمنوا على القلب ولما اطمنوا كانوا مجهزين اوضة العمليات بتاعة العمود الفقري، ولما سافرت علشان اتكرم فوجئت وأنا بحط رجلي على السلم لقيت رجلي تقيلة ودي كانت بالنسبة ليا مفاجأة قدام الناس وما كنتش قادرة أطلع علشان اتكرم.

تعرض فيفي عبده لسحر

وكشفت الإعلامية بسمة وهبة، تفاصيل تعرض الفنانة فيفي عبده، للسحر الأسود، عن طريق المنتج أحمد الزواوي، حيث استضافته في مداخلة هاتفية للرد عما قاله. 

وقال المنتج أحمد الزواوي في مداخلة مع بسمة وهبة، إن خلافه مع فيفي عبده يعود إلى عام 2017، حيث وقعت معه على بطولة فيلم مقابل 400 ألف جنيه، واستلمت عربون قدره 60 ألف، وبعد اتمام التعاقد مع باقي الأبطال وتحديد موعد للتصوير، تفاجئ بهروب فيفي عبده، وامتناعها عن التصوير.

وتابع أحمد الزواوي، أنه تقدم بشكوى ضد فيفي عبده، في نقابة المهن التمثيلية، لكن دون جدوى، وفشلت كافة المساعي الرسمية والودية للحل. 

وأضاف أحمد الزواوي، أن مرض فيفي عبده، بسبب هدرها لحقه قبل 6 سنوات، وعندما واجهته بسمة وهبة بأنه استخدم السحر الأسود لمرض فيفي عبده، والفيديو الذي قال فيه «السر في الخاتم ده»، تملص ونفى كلامه، واصفا أنه لديه قدرات ربانية يستخدمها ضد من يؤذيه على حد قوله.