"واصلين لحتة حلوة أوي في الكوميديا".. حمزة نمرة يهنئ أكرم حسني على نجاح فيلم "العميل صفر"

هنأ الفنان حمزة نمرة، على طريقته الخاصة الفنان أكرم حسني، على فيلمه الجديد الذي يعرض حاليًا في دور العرض السينمائية المصرية "العميل صفر".

وأشاد حمزة نمرة بأداء أكرم حسني، والكوميديا في الفيلم، ونشر عبر حسابه الشخصي بموقع التدوينات القصيرة "إكس"، قائلًا: "حضرت أنا ومراتي والولاد فيلم العميل صفر.. وأنا بقول إننا واصلين لحتة حلوة أوي في الكوميديا ف مصر عايزين نحافظ عليها، مبروك يا أكرم يا جامد".

من هم أبطال فيلم "العميل صفر" ؟

فيلم "العميل صفر"، من بطولة الفنان أكرم حسني، والفنانة أسماء أبو اليزيد، الفنان مصطفى غريب، والفنان منذر رياحنه، فاطمة النبوي، إسماعيل فرغلي، فيدرا، وغيرهم من الفنانين والنجوم، والعمل من إخراج كريم العدل.

ماهي إيرادات فيلم "العميل صفر" أمس بدور السينما؟

استطاع فيلم "العميل صفر" أمس، أن يحقق أعلى الإيرادات، وتخطى حاجز الـ مليون جنيه، وبلغت حسب ما أكده الموزع السينمائي أن قيمتها كانت 1،004،018 جنيها.

ماهي آخر أعمال حمزة نمرة ؟

وجديرا بالذكر أن آخر أعمال الفنان حمزة نمرة هو ألبوم "رايق"، الذي لا يزال يطرح باقي أغانيه، التي استحوذ بها على تريند موقع الفيديوهات الشهير "يوتيوب"، ويتضمن الألبوم، أغنية "أنا الطيب، أكيد راجعين، يا سفينه، ورجعنا لوجع القلب، مش سليم، عالم كدابة، لعله خير، غروب، شيخ العرب، رايق، الإسكندرية، مرايات، رياح الحياة".

ماهي كلمات أغنية "رياح الحياة "؟

تهبي يا رياح الحياة دايما بما لا اشتهيه
واللي السنين مقدماه غير اللي قولت نفسي فيه

يلاقي قلبي فين دواه
واللي اذاه اقرب ما ليه دة جرح بيعلم

وصعب تسكن الالام واخرج من اللي فات سليم
وصعب لما اروح انام مفضلش اراجع القديم

طلع مكلف العلام
وخدت درس في الصميم ولسة بتعلم

ركز يا قلبي في اللي جاي والف شكر للي باع
ما صانش حتى بوق شاي سلام يا 300 وداع

واللي لقانا مايساعوش ف خانة الوداع تساع
مشاعرنا مش لعبة

ما تتشغلش باللي فات خليك يا قلبي في المفيد
كبر لاي ذكريات ركز وبس في الجديد

لازم تقسم الخانات بمين قريب ومين بعيد
الحسبة مش صعبة

فرحت م الساعات ساعات
ودوقت م الحاجات حاجات

وعشت م السنين سنين
ونابني م اللي فات فتات

وم الحبيب جواب حزين
واسئلة بلا اجابات حيرة ورا حيرة

حتى السعادة يوم ويوم حتى المحبة خد وهات
وكله كوم وكومي كوم زمن بيرمي افيهات

وزي عادتي اصوم اصوم
واسد جوعي ذكريات وافضها سيرة

اخرتها يا زمن عنيد كله سبق وانا الوحيد
اللي مشيت وراه سراب واللي بدات من جديد

الكل شاف اللي وراه
حاسبت انا ع المشاريب لوحدي كالعادة
مش باقي غيري في المكان
مش باقي حاجة من اللي كان

مش باقي غير وجع زمان
وهمس ذكرى في الودان

طاوعت حظى لما قال
اصبر لكل شيء ادان يا حظ ما تادن