حمزة نمرة يطلق تاسع أغنيات ألبوم "رايق" بعنوان "عالم كدابة" (فيديو)

أطلق المطرب حمزة نمرة أغنية «عالم كدابة» من ألبومه الغنائي الجديد «رايق»، وذلك عبر قناته الرسمية على موقع الفيديوهات الشهير «يوتيوب»، وجميع منصات الموسيقي.

وجاءت أغنية «عالم كدابة» لـ حمزة نمرة، من كلمات حسام سعيد، ألحان عمرو الشاذلي، وأحمد الشاذلي، توزيع وميكساج عمرو الخضري، جيتار مصطفي نصر، صولو أورج محمود شامي، ربابة أمير سرور، وإنتاج Namira productions.

كلمات أغنية عالم كدابة

شافوا عندي حاجة حلوة حبوا منها يخطفوا
قربوا مني زيادة وطبلولي وسقفوا
ولما أخدوا كل حاجة ومني شبعوا واكتفوا
اختفوا.. اختفوا
عيش وملح.. أصول وعشرة كل دول اتبخروا
واللي ياما جريت عشانهم
عني هما اتأخروا
ده اللي يلقى واحد أصيل
في الزمان ده يقدره
ويبخّره ويبخّره
آه ياناس مش صافية جبتولنا الكافية
ضمايركوا بعافية
مفيكوش غير عين
يا نفوس قلابة
يا عالم كدابة
بتقولوا غلابة
ده غلابة مين؟
آه ياناس مش صافية جبتولنا الكافية
ضمايركوا بعافية
مفيكوش غير عين
يا نفوس قلابة
يا عالم كدابة
بتقولوا غلابة وانتم ملاعيين
عندهم ميت ألف وش
ووشهم ولا تعرفوه
مقنعين جدًا وصعب حد فيهم تكشفه
كل يوم بيمثلوا وكل يوم بيألفوا
وبيحلفوا.. بيحلفوا
يضربوك في الضهر وأما يشوفوك يتبسموا
يدخلوا الدخلة اللي هيا ويفضلوا عليك يرسموا
عندهم عين لو تبص على الحجر دي هتقسموا
وتسمموا.. تسمموا
آه يا ناس مش صافية جبتولنا الكافية
ضمايركوا بعافية
مفيكوش غير عين
يا نفوس قلابة
يا عالم كدابة
بتقولوا غلابة
ده غلابة مين؟
آه يا ناس مش صافية جبتولنا الكافية
ضمايركم بعافية
مفيكوش غير عين
يا نفوس قلابة
يا عالم كدابة
بتقولوا غلابة وانتم ملاعيين

ألبوم رايق

أطلق حمزة نمرة مؤخرًا الأغنية الرئيسية للألبوم بعنوان «رايق»، وحققت الأغنية نجاحًا كبيرًا واحتلت قائمة الأغاني الأكثر استماعًا على اليوتيوب ومنصات الموسيقي، وتم تصوير فيديو كليب أغنية «رايق» في اليونان تحت إدارة المخرج مصطفى الصولي، والأغنية من كلمات الشاعر محمود فاروق، ألحان أندريه مينا وحمزة نمرة، وتوزيع وميكساج أندريه مينا.

ويقدم نمرة موسيقي مختلفة فى ألبوم «رايق»، وتتنوع إيقاعات الأغاني بين الموسيقى الشرقية والفيوجن والشعبي مع الفلامنكو والأفروبيت، ويتضمن الألبوم 13 أغنية وتم إصدار حتي الآن 10 أغنيات منهم، حيث يختتم أغنيات الألبوم في 6 سبتمبر القادم بأغنيتي «يا سفينة»، و«رجعنا لوجع القلب».

كما طرح مؤخرًا أغنيتي «مش سليم» و«شيخ العرب»، ضمن ألبومه الغنائي الذي يحمل اسم «رايق»، عبر موقع الفيديوهات الشهير «يوتيوب» ومنصات الموسيقي المختلفة.

ولاقت أغنية «مش سليم» إعجاب الكثير من جمهوره وتصدرت تريند يوتيوب الموسيقي واحتلت المركز الثاني في قائمة الأغاني الأكثر استماعًا وتداولًا في مصر، والأغنية من كلمات محمود فاروق، ألحان أندريه مينا وحمزة نمرة، توزيع وميكساج أندريه مينا، جيتار وعود حمزة نمرة، تنفيذ وتريات أحمد عاطف.

وحقق حمزة نمرة نجاحًا كبيرًا برابع أغنيات الألبوم «رياح الحياة»، ووصلت الأغنية لـ 8 مليون مشاهدة عبر موقع الفيديوهات الشهير «يوتيوب»، وهى من كلمات محمود فاروق، ألحان حمزة نمرة، توزيع وميكساج كريم عبد الوهاب، جيتار مصطفي أصلان، باص جيتار أحمد رجب، تنفيذ وتريات أحمد عاطف.