بعد حلاقة شعرها على الزيرو وتصدرها للتريند.. أسما شريف منير تكشف عن سبب الحلاقة ورد فعل المحيطين بها

مازالت أزمة الإعلامية أسما شريف منير تشغل الرأي العام المصري خاصة بعد مرور عدة أيام عليها، حيث كانت الإعلامية أسما شريف منير كانت قد تعرضت لهجوم ونقد شديد بعد أن قامت بحلق شعر رأسها على الزيرو، وظهرت بهذا الشكل في العديد من الأماكن وكان على رأسهم مهرجان القاهرة للدراما. 

وتعرضت أسما شريف منير، لانتقادات كبيرة بعد قص شعرها خلال فيديو على حسابها على "انستجرام". 

أسما شريف منير

وكشفت الإعلامية أسما شريف منير عن رد فعل الأشخاص المحيطين بها بعد الأقدام على هذه الخطوة والقيام بحلق شعرها، وأشارت أسما إلى أنها لم تقم بأخذ رأي أحد إلا ابنتها، وأشارت "مخدتش رأى حد ولكن أخدت رأى بنتى وكانت خايفة وقتها". 

أقرأ أيضًا.. السبب الحقيقي حول حلاقة شعر اسما شريف منير وتصدرها التريند

واستمرت بعد كده بنتى قالتلى لو حاسة أنك عاوزة تعملى كده اعملى يلا، مشيرة إلى أن الفنان شريف منير وقتها لم يعلم بحلاقة شعرها بهذا الشكل.

وأضافت علشان أعمل اللوك ده احتاج مني قوة وجرأة علشان أخد القرار، وعلشان أخد اللحظة الأولى دي كانت محتاجة جرأة فظيعة. 

سبب حلاقة الشعر 

وعن سبب حلاقة الشعر علقت الإعلامية أسما شريف منير، قائلة " جاء بالصدفة وكنت ذاهبة لتطول شعري وكنت عايزة أعمل أكستنشن ولما روحت المكان فوجئت بشاب كان شعره طويل وكان يعتني به طوال الوقت ويهتم به، وفجأة وجدته يتخلى عنه وعندما سألته عن السبب قال لها لما بعمل كدا بحس "راحة مش طبيعية، فقررت أعمل كدا».

رد فعل والدها الفنان شريف منير

 وعلقت أسما عن رد فعل والدها وأشارت إلى أنها لم تقابله حتى الآن قائلة: " لسه مشافش ربنا يستر، لما يشوفني يا هيقولي حلو جدا، أو هيقاطعني لأنه معندوش وسط". 

تعليق شريف منير 

وعلق الفنان شريف منير علي الهجوم التي تعرض له ابنته بعد حلاقه شعرها، خلال مقطع فيديو له عبر صفحته الشخصية على "إنستجرام"، وقال إيه الغلط اللي عملته بنتي إيه الضجة والدوشة اللي إنتو عاملينها دي، كل ده علشان بنتي قصت شعرها قدام الكاميرا، إيه الغلط اللي عملته، تصرف عادي جدا مفهوش أي حاجة، واوعوا تفتكروا إن أنا ممكن آجي على بنتي علشان خاطر أكسب رضاكم، دي بنتي اللي مليش غيرها واللي بحبها، وبالمناسبة اللوك عاجبني وأنا مبسوط منها أوي".

بنت شريف منير تريند جوجل.. كواليس "قص" اسما شريف منير "شعرها" (إيه الحكاية؟)

بعد تعرضها للانتقادات.. أسما شريف منير تخرج عن صمتها "ده شعري مش شعرك"

واستمر" أنا بنتي متربية كويس جدا، وبتتصرف باللي هي حاسة بيه، المهم إنها مش بتئذي حد، وقبل ما تتكلموا بصوا على نفسكو وعلى ولادكو وإخواتكو قبل ما تنتقدوا وتغلطو، وريحوا نفسكو واهدوا شوية، اللي حصل من بنتي مش غلط، وهي حرة في نفسها، وبنتي عندها 36 سنة وأم ومسؤولة عن نفسها، أنا أب مسؤول إني أحميها، وهي حرة في تصرفاتها، واختتم برافو عليكي إنك أخدت التريند، وقال أسما انتِ شكلك زي القمر وكان حلو جدا، وبرافو عليكي إنك أخدت التريند، متسمعيش كلام حد ومتهتميش بكلام حد، وأنا مش مهتم بالكلام اللي بيتقال عني أو عليها.