بعد تصدره التريند.. أبرز تصريحات سعد الصغير في برنامج العرافة

تصدر الفنان سعد الصغير، محرك البحث جوجل في الساعات الماضية، بعد ظهوره ضيف في برنامج “ العرافة ” مع الإعلامية بسمة وهبة، وتحدث عن موقفه تجاه المطربة بوسي ووالدها.

تدخل سعد الصغير بين بوسي ووالدها 

وكشف المطرب الشعبي سعد الصغير، سبب تدخله بين المطربة الشعبية بوسي ووالدها، وهو أنه كان يريد أن تقول له "يابا انا سامحتك"، مُعلقًا: "قلت لوالدها أنت تسببت في إيذاء بوسي، مكنتش لاقية تاكل وأنت بتروح تسهر والواحد مش عاوز يتكلم، وكنت عاوز أصالحها على أبيها".

وأكد سعد الصغير على أنها لم تعطي والدها أي أموال، قائلًا:“أبوها غلط في حقها، لكن والمصحف ما كانت بتبعت له جنيه، ولا كانت بتدي لأخواتها حاجة، واشتريت له بـ250 ألف جنيه وتكييف وشاشات وغيرها وذلك من تبرع فاعل خير، لأنه كان يعيش في خرابة، ولو هو تمام وعندها دم تطلع الـ250 ألف جنيه لله، لكن هي أخدت الشقة بالعفش اللي إحنا جايبينه، وهي شقة والدتها، والمفروض تدينا الحاجة اللي جبناها لأبوها”.

وواصل:"هشام ربيع راح يخلص لها مشكلتها مع وليد فطين اتقبض عليه، قالها تعالى أخلص لك مشكلة، وطلب منه فطين 4 ملايين جنيه".

سعد الصغير ينفي حقيقة فضحه للمطربة بوسي

وأوضح سعد الصغير أنه لم يكن ينوي ان يفضح بوسي، مُتابعًا: "لم أفضح بوسي، لكن والدها طلب مني أن يظهر معي في البرنامج حتى تقول له بوسي إنها سامحته، وأنا اللي عملت الشقة وقلت لبوسي تقوله إنها اللي عملت الشقة وتقوله كل سنة وأنت طيب، لكنها قالت لي اعمل اللي انت عاوز يعمله".

وأردف:"جالها حبس، بس أنا مش هينفع أحبسها، وقالت لي كنت متزوجة من شقيقك عرفيا بعد إذنك أنا مش لاقية شقة، بس ازاي ادي ورث لواحدة كانت متجوزة 5 رجالة واتطلقت".