اليوم.. المخرج محمد سامي ضيف برنامج " الوش التاني " مع شوبير

يحل المخرج محمد سامي، اليوم الاربعاء الموافق 20 مارس  ، ضيف في برنامج " الوش التاني" مع أحمد شوبير على راديو ON SPORT FM، ومن المقرر أن يذاع البرنامج  في الساعة  الرابعة عصرا.
 

محمد سامي في السباق الرمضاني 

يذكر أن المخرج محمد سامي، يشارك في رمضان 2024 بمسلسل “نعمة الأفوكاتو ” الذي حقق نجاح كبير منذ عرض أولى حلقاته، والعمل من بطولة مي عمر، أحمد زاهر، أروى جودا، سلوى عثمان، كمال أيو ريا، ولاء شريف، هدير عبد الناصر، عماد زيادة، لبنى ونس، ومن إخراج محمد سامي، وتأليف مهاب طارق ومحمد سامي.

أبرز تصريحات محمد سامى 

يذكر أن المخرج محمد سامي تحدث في تصريحات تليفزيونية سابقة عن طريقة تعامله مع الفنانين، قائلا  :" لما بتعصب على ممثل بيبقى يا إما هو بليد، أو مواعيده مش مظبوطة، أو مش بيذاكر ولا بيحفظ، وده طبعا بيعطل زمايله".

وتابع: “هو كده هيفشل ويفشلنا معاه، ويبقى ممثل جاي متأخر ومش مركز ويسلب حقوقنا كلنا، ويتخانق معاه مهما كان مين ونجوميته قد إيه؛ لأن النجوم الحقيقيين أصلا محترمين، وعمري ما اشتغلت مع نجم كبير ومكنش محترم، دايما المشاكل بتيجي من أنصاف الفنانين”.

وأضاف: “أنصاف الفنانين اللي بييجي من وراهم مشاكل، بيبقى عايز طول الوقت يقول أنا نجم، فمش بيفكر في الشغل نفسه، ونجم زي محمد رمضان وأحمد السقا دول ناس تعلم جيدا إنهم نجوم وناجحين، فبيركزوا في شغلهم”.

وواصل: “النجوم دول أول ناس بتيجي في ميعادها، وأكتر ناس مذاكرين وعندهم حرص على نجاح المشروع، زي الفنانين عادل إمام، والراحل محمود عبد العزيز، وأحمد عز، فالمشاكل بتيجي من الناس اللي بتبقى فاكرة إنهم نجوم وبيحاول يثبت ده برغم إن دوره مش هيأثر على بيع العمل بدولار واحد حتى”.