لهذا السبب.. ميار الببلاوى تتصدر التريند

تصدرت الإعلامية ميار الببلاوى،  محرك البحث جوجل في الساعات الماضية،  بعد أن ظهرت في بث مباشر عبر حسابها الشخصي بموقع التواصل الاجتماعي “ فيسبوك ” لتوضيح حقيقة أمر داعية شهير خاض في عرضها بسبب تصريحاتها الأخيرة في برنامج “العرافة” مع الإعلامية بسمة وهبة الذي تم عرضه في موسم رمضاني الماضي.

حقيقة الداعية الشهير الذي خاض في عرض ميار الببلاوي 

وقالت ميار الببلاوي، أنها تحب هذا الداعية وتقدره وكانت تريد استضافته في برنامجها، ولكنها فوجئت بهجومه عليها وجرحه لها، مشيرة إلى أن الحلقة اختصرت في المونتاج ولم يتم عرض كلامها كاملا.  

وأضافت ميار الببلاوي:" أنا بقالي 30 سنة بتعامل في البرامج الدينية وتركت الفن واتحجبت وأنا في عز شبابي وقولت خلاص من ترك شيئًا لله عوضه الله خيرًا منه، وانهاردة لما قابلت الشيخ ده في قناة معينة وأنا رايحة مع واحدة صاحبتي روحت سلمت عليه لقيته بيقولي أنا افتكرتك جاية تتخانقي معايا!".

ميار الببلاوى تدافع عن نفسها 

وأضافت:" أنا مكنتش شوفت كلامه عني ولا كنت بتابع النت لأني تعبانة بقالي فترة، بس سمعت كلامه عني وبيقول الإسلام بريء مني طب إيه الحرام والغلط اللي أنا عملته عشان يبقى الإسلام بريء مني! لما كنت في البرنامج اتعمل منه مونتاج كتير ولما شوفت قولت خلاص أنا فوضت أمري لله".

وتابعت ميار الببلاوي:" الناس بتطلق وبتتجوز 100 مرة والناس فاكرة إنهم هيدوسوا عليا وأسكت بس لأ أنا ست صعيدية ومش هسكت،أنا معايا ماجستير في الفقه المقارن ومعايا دكتوراه في الخطاب الديني والثقافة الإسلامية، يعني أنا ست دارسة شريعة ياللي بتقولي الدين بريء مني".

واستكملت: “يا جماعة دي حياتي الشخصية ومش من حق حد يعرف أنا اتجوزت كام مرة! وأنا مش هسمح بنص كلمة على شرفي وشرف جوزي وابني وعائلتي كلها، وأنا عمري ما قولت إني جبت محلل عشان أتجوز، ومش ميار الببلاوي التي ترجع بشحن رصيد والناس كلها عارفاني كويس وعارفة أنا بنت مين”.