أحمد يونس: رمضان في مصر له تقاليده

قال الإعلامي أحمد يونس، خلال إذاعته أغنية "أهو جيه يا ولاد": "كلنا بنسمعها لكن عمرك ما فكرت إيه هي العادة"، موضحا أن رمضان في مصر له تقاليده، والأطفال كل يوم في رمضان كانوا بيتجمعوا ويخدوا الفوانيس وينزلوا يلعبوا بيها مع بعض".

وتابع يونس، في برنامجه "عمارة الحج رمضان" عبر راديو 9090: "والفوانيس كانت من الصفيح وفيها شمعة، ولما الشمعة كانت تخلص كانوا الأولاد بيروحوا للناس ويقولولهم ادونا العادة الله خليكوا، وكان فيه اللي بيديهم حلويات أو المكسرات أو القرش أو المليم عشان يجيبوا الشمعة".

وأضاف الإذاعي: "معظم الأغاني اتخدت من التراث الشعبي، اتخدت من الكلام اللي الأطفال كانوا بيقولوا زي حل الكيس وادينا بقشيش".