عاجل.. مي حلمي تزف خبرا سارًا لجمهورها
أعربت الإعلامية مي حلمي، عن غضبها من مروجي الشائعات التي تتعلق بأزمة إلغاء حفل زفافها إلى الفنان محمد رشاد، موضحة أنهما سوف يخرجان قريبا ويعلنان تفاصيل ما حدث موضحة أن فرحتهما ستعود مرة ثانية.
وتابعت: "عارفين يعني ايه بعد ما البس فستاني اقلعو ؟ بعد ما خلاص خطوه واحده من ٤ سنين مستنياه تبوظ بسبب الناس الي نقلت كلام غلط مش هقول الميديا الميديا طول عمرها كده وقبل ماشتغلها وانا عارفه انها كده نتكلم عن الناس الطبيعيه ..... ازاي قدرتو تشمتو وتفرحو في وجع غيركم والي يدعي والي يضحك والي يقول احسن فهموني انتو بني ادمين؟.. بتخافو ربنا".
وأضافت مي: "طيب حتي لو نفرض وده فرضا ان حد من الطرفين غلطان ليه الدعا عليه والحسبنه ليه اصله مش زرار هتقوم من النوم تدوس عليه فهتنسي العشره والسنين وتقعد تدعي وتهين لا لا ابدا مهما حصل بتلاقي نفسك مش طايق كلمه وحشه علي الطرف التاني ونفس الكلام للطرف الاخر".
وتابعت: "بعد الهيصه والزيطه مابيفضلش غير الحلو وبيبان الوحش بس كل الي عايزه اقولو الشدد بتبين ... في الاخر حبيت اخرج كلام جوايا من الي شوفته اليومين الي فاتو و والله والله مافرق معايا غير فرحتنا انا وهو مش انا بس الي اتكسرت فستاني الي قلعته بدلته الي اتقلعت ومحدش فاهم حاجه اهالينا الي زعلانين علينا".
وواصلت: "ماكنتش ناويه اتكلم بس كلام جوايا وكنت عاوزه اقولو محدش بيرضي في عشره عمره لو عامل فيه ايه مابيرضالوش الوحش ولا دعوه واحده بالغلط عشان ماحدش كان عارف ايه الي حصل معظم الناس انا كنت هناك انا كنت حاضر انا كنت شاهد ... كنت دعيت ربنا يهدي الدنيا ويجمعهم في الحلال بدل ما كنت حكيت الي سمعته مش الي شوفته احساس صعب فرحه عمرك تتكسر قدامك بعد سنين مستنيها ساعتها ولا بيفرق شكل من كلام ناس من دنيا".
وختمت مي حديثها: "فرحه فستان بتاعة الراديو راجعه راجعه ان شاء الله هنحكي كل حاجه وهنقول كل حاجه بس في الوقت الي احنا عايزينه مش الي الناس عاوزاه.... نصيحه من قلبي لكل اتنين متجوزين عايزين يسيبو بعض لكل اتنين مخطوبين لكل اتنين بيحبو بعض "الحب مابيتبعش" ولو ضيعتوه والله مابيجي تاني امسكو فيه مهما حصل اكيد هنطلع ونتكلم بس ادونا شويه فرصتنا مع بعض بعيد عن الاضواء وعاوزه دعوه حلوه لينا ارجوكم".
