مصطفى قمر: "ممكن تكون زاهد في كل حاجة إلا هذا الأمر"
حكى الفنان مصطفى قمر عن المواقف التي واجهته خلال أدائه لمناسك العمرة، وذلك من خلال حسابه الشخصي على موقع الصور والفيديوهات "إنستجرام".
حيث نشر مجموعة صور جديدة له، ظهر في الصور وهو برفقة زوجته وأصدقائه، وهم داخل الحرم المكي، وعلق مصطفى على الصور قائلاً: "بصوا بقي الكرم بدأ من هنا من مصر لما صديقي وأخويا وعشرة عمري حمادة عبد الرحمن قاللي هات باسبورك انت والمدام فيه عمرة كمان عشرة أيام، وحاطلعك معايا قولتله طيب بكرة قاللي لا هات الباسبورتات النهاردة، وكانت اديته الباسبورتات بالليل وتاني يوم الصبح كان عندي تأشيرة أنا ومراتي قبليه هو، والأجمل بقي بعدها قاللي طالع معانا الأستاذ فريد الرائع وابنه عمر وهيقابلنا هناك الدكتور اشرف وزوجته".
وتابع مصطفى قائلاً: "المهم أنا لما قابلت الاستاذ فريد اتشقلبت حياتي كلها من كتر إيمانه وكلامه ومساعدته ليا في العمرة، والله اتعلمت منه حاجات كتير، ربنا يكرمك يا أستاذ فريد، وربنا يخليك ياصديق العمر وأخويا حمادة عبد الرحمن".
وأضاف مصطفى: "الأهم بقي الكلمتين اللي جايين قولولي بالله عليكم لما تطلعوا عمرة وتبوسوا الحجر الأسعد وتصلوا في حجر سيدنا إسماعيل وتلمس الركن اليماني بإيدك وتحط راسك علي جدار الكعبة، لا ومش لوحدك انت ومراتك اللي بتحبك وعاملة زي أمك، وهي أصغر منك بكتير وبتوجهك علشان راحت قبل كدة وماسيبتش فرض إلا وصليته قدام الكعبة، وكمان صومتلك يومين تفتكر تبقي عايز حاجة تاني من الدنيا بيتهيألي هتبقي زاهد في أي حاجة إلا إنك تروح تاني، ربنا يوعدكم جميعًا دون استثناء وتعملوا زيي قريب جدًا، قولوا آمين آمين .
يُشار أن مصطفى يستعد حاليًا للجزء الثاني من فيلم "حريم كريم" المقرر تصويره خلال الأيام القادمة، والجزء الأول تم طرحه في عام ٢٠٠٥، وشارك في بطولته الفنان الراحل طلعت زكريا،ريهام عبدالغفور،داليا البحيري،بسمة، ياسمين عبدالعزيز،خالد سرحان، علا غانم،إخراج على إدريس.
