ذوي الهمم يشعلون احتفالية قادرون باختلاف بأغنية "من أول يوم فيه اتولدت"
أشعل أطفال ذوي الهمم احتفالية قادرون باختلاف بغنائهم أغنية "من أول يوم فيه اتولدت"، التي جاءت كلماتها كالآتي:
من أول يوم فيه اتولدت بصيت في عين أمي فشوفت نظرة فيها حنان وخوف.. نظرة فيها اشمعنا أنا هل ده امتحان من ربنا وأكيد له حكمة وبكرة اشوف.. كل اللي جاي يفرحلهم لما يلاقيني في حضنهم يبصلي ويزعل عليهم.. كل اللي بيقرب يشوف يباركلهم بس بكسوف وكإن فعلًا بيواسيهم.. فلقتني بكبر وبعرف إن اللي ناقصني ربي عوضهولي بصوت أوصلكوا بيه".
و شاركت في تلك الاحتفالية الفنانة إنعام سالوسة من خلال وضع صوتها على الفيلم التسجيلي الذي حمل عنوان "قادرون باختلاف"، وقالت خلال الفيلم كالتالي: "قادرين نشوف النور في آخر الطريق، وطموحنا يجمع أي صوت، ولو ظروفنا غلبتنا، بس عارفين إحنا فعلا محظوظين ببلد بتحبنا ودايما متفائلين".
وأشادت إنعام سالوسة خلال الفيلم على التطور الذي تشهده البلاد حاليًا، قائلة:" والنهاردة مصر بتبني بلد جديدة، بلد بيقدر قيمة الأخلاق، جايز مختارناش ظروفنا لكن بإيدنا نخلي دافع للحياة والحياة اختيار وإحنا اخترنا إن اختلافنا قوة".
