مراد مكرم يستعيد ذكرياته وقت رحيل والدته ويعلق:"ابتدينا مشوار كسرة القلب"

شارك الفنان مراد مكرم عبر حسابه الشخصي على موقع التواصل الاجتماعي "فيس بوك"  منشور يتذكر فيه والدته ويستعيد ذكرى رحيلها. 

كتب مراد مكرم في منشوره:" زي دلوقتي من سنه،وكعادتي كل صباح سواء هقدر أروح ازورها ولا عندي شغل،فتحت ابليكيشن الكاميرا ابص عليها وعلي الممرضة وبتتعامل معاها ازاي،لقيتها بتعملها تمارين سترتشنج لرجليها،انبسطت،و بعدين لقيتها بتضغط بايديها علي قلبها في حركات متتاليه،قلقت".

وتابع:"و بعدين بتدور على النبض في رقبتها، بلمت وما بقتش فاهم ثواني وكلمتني الممرضه وقالتلي بالكلمة البقاء لله". 

واستكمل:"وللصدف الغريبة واللي ما بتحصلش يمكن مرة في السنة،أخويا كان بايت عندي،طلعت صحيته وحضنته وابتدينا مشوار كسرة القلب مع بعض".

في سياق آخر أعمال مراد مكرم “ سكر مر” وهي الحدوتة العاشرة من مسلسل "ورا كل باب" والحكاية من بطولة منة فضالي وفريال يوسف، مراد مكرم، وإيهاب فهمي، ورانيا ملاح، والحكاية من تأليف أحمد عبدالفتاح ومن إخراج محمد عبدالسلام، وتناقش الحكاية قضية مهمة للغاية وهي إصابة الأطفال بمرض السكر وكيف تتعامل الأسرة مع المشكلات التي تواجه أطفالها مع الآخرين وخاصة من الأطفال في عمرهم.