تامر فرج لـ "الفجر الفني": السينما المصرية مفتقدة أعمال الأطفال عكس الخارج

حرص الفنان تامر فرج، على تواجده أثناء العرض الأول لفيلم "برا المنهج " الذي عرض أمس في أحد السينمات الكبرى بالتجمع الخامس، وأوضح رأيه في بطولة الفيلم لطفل قائلًا: " بطولة الفيلم لطفل ده شيء متقدم جدا تفتقده السينما المصرية منذ زمن طويل".

وقال في تصريح خاص لـ "الفجر الفني": " تواجدي اليوم لأن إسم شاهيناز العقاد على الأفيش وهي أختي وصديقتي، من فترة طويلة جدا من أيام السياحة، وهي بتعمل أفلام مميزة، فيلم برا المنهج بسمع عنه بقالي سنة في مكتب شاهيناز، وعمرو سلامة لما بيشتغل على شيء بيشتغل عليه صح، وليس الفيلم اللي هو بيشتغل في سبع أيام وخلاص، لا عمرو سلامة بيحضر للفيلم من خلال أربع سنين وحاضرين علشان عارفين ان عمرو سلامة هيضيف بصمة جديدة من بصماته ".

و أعرب تامر فرج عن مدى سعادته لبطولة الفيلم لطفل وتقدم السينما المصرية في هذا الإتجاه الذي كانت تفتقده منذ زمن طويل قائلًا:" بطولة الفيلم لطفل دي حاجة متقدمة جدا لأن  السينما والدراما المصرية بقالها سنين مش بتستخدم أطفال لاكن في الخارج أفلامهم ناجحة علشان في تنوع وتجديد. 

وتابع:" ولو حدث وأستخدمنا في الفن المصري أطفال بيكون لأسباب شخصية.. البطل إبن خالتي إبن عمي وهكذا، لاكن عرض الفيلم النهاردة لطفل إحنا كدة بنقتحم السينما بأعمال جديدة برغم إننا متأخرين في المجال ده وهي مغامرة للمجتمع المصري لأن هو لسة مش متعود عليها".