خالد عليش يصدم جمهوره بمفاجأة جديدة وتفاصيل محضر من طليقته!

صدم الفنان خالد عليش، جمهوره بمفاجأة جديدة، وهي أن طليقته قامت بعمل محضر ضده يوم ١٢ فبراير من العام الماضي بموجب أنه خرج مع ابنته وامتنع عن إعطائها الأدوية وقام بالمتاجرة بصورها.
 

وكتب خالد عليش، على حسابه الرسمي بموقع التواصل الاجتماعي "فيسبوك": "الحقيقة انا مبلم بقالي شوية من ساعة ما قريت ده ومش مصدق ده محضر معمول فيا من ١٢-٢-٢٠٢١ أنا لسه مكتشفه بعيدًا إن هو بيأكد صدق روايتي إني مش عارف اشوف بنتي بشكل سليم في الوقت ده وده اللي خلاني الجأ للعقد اللي بينا وعمل إلزام بما فرضته نفسها علي نفسها والمحكمة حولته لرؤية في مركز شباب وبعدها روحت وما كملتش والقصة الطويلة العريضة في البوست اللي فات ".
 

وأضاف قائلًا: "بس مش قادر أصدق إن ده محضر اتعمل فيا، مش قادر أفهم يعني إيه خدتها ومأكلتهاش يعني ايه ما اديتهاش الأدوية، يعني إيه ببعت أشخاص غريبة تجيبها، يعني ايه بتاجر بصورها، طب ليه عايز اشوفها ؟ طب ليه بعمل كل ده ، ده انا قلبت في الموبايل عشان اشوف في التاريخ ده يمكن فعلا عملت حاجة تضايق لقيت إني ماشفتهاش يوم ١٢  أصلًا وبعدها بيومين جبتلها هدية عشان الڤلانتين ".

وتابع قائلا: "في الآخر يتعمل فيا محضر ويتقال عليا الكلام ده من ورايا ليه كل ده  ؟؟؟ !!! ؟؟؟، هل يريح الأم وأصحابها إني اطنش وأكبر دماغي واسيب البنت وما اشوفهاش خالص، بالمناسبة المحضر ده تم نشره عن طريق الأم مش أنا اللي عرفته لوحدي 
أنا بجد مش مصدق وكإن في إصرار إني أنا اطلع وحش وخلاص ربنا يهدي"