بعد تصدر كليب "حوا" لتريند "يوتيوب".. عمرو مصطفى لتامر حسني: برافو يا تيمو دمك خفيف

حرص الفنان عمرو مصطفى على تهنئة الفنان تامر حسني بمناسبة تصدر كليبه الجديد “حوّا”، مع الفنانة أسيل عمران  لتريند "يوتيوب"، وذلك من خلال حسابه الشخصي على موقع التواصل الاجتماعي “فيسبوك”. 

ونشر عمرو مصطفى صورة لكليب “حوّا”، وعلق عليها قائلًا: "مبروك للزميل تامر حسني علي ترند 1، الكليب والأغنية والتوزيع  تحفة ودمه خفيف جدًا برافو يا تيمو نجاح كبير".

ما هي تفاصيل أغنية حوّا؟ 

وأغنية "حوا" تعد رابع أغاني ألبوم "هرمون السعادة" لـ تامر حسني، والأغنية من كلمات وألحان إخراج تامر حسني وتوزيع علي فتح الله.

تعاون جمع تامر حسني وأسيل عمران قبل حوّا

وتعاون تامر حسني من قبل مع أسيل عمران من خلال أغنية ناسيني ليه، وحققت الأغنية نجاحًا كبيرًا، من كلمات تامر حسين، ألحان تامر علي، توزيع وسام عبد المنعم، والكليب من إخراج سعيد الماروق.

كلمات أغنية حوّا

إشتريت كتاب إسمه.. كيف تفهم حوا

قولت هعرف منه.. إيه في دماغها جوا

حوا في كل الجنسيات.. بجد تركيبه واحده

لو هنسمي في مسميات.. أحن حنينه جاحده

حافظين مش فاهمين.. نفس الكلام وبيتردد بيتردد

وإحنا عايشين مساكين.. بنجيب في هدايا ونسدد

آه ونسدد

وبعد ما كان.. نفسي في واحده تفهمني

من غير ما أتكلم ما أتكلم.. بقيت أدعي ألاقي واحده

تفهمني أصلًا وأنا بتكلم بتكلم

في جوا دماغ حوا كذا حد.. ملاك شيطان والله تعبت

لما تعاملها كده انت وحظك

في اللي ساعتها بقى ماسك ال Shift

وديتها مره للدكتور

دكتور دقيقه ونبقى عندك

سألها مالك قالتله مالي

ما انت لو مهتم كنت عرفت لوحدك

حافظين مش فاهمين

نفس الكلام وبيتردد بيتردد

وإحنا عايشين مساكين.. بنجيب في هدايا ونسدد

آه ونسدد

و بعد ما كان.. نفسي في واحده تفهمني

من غير ما أتكلم ما أتكلم.. بقيت أدعي ألاقي واحده

تفهمني أصلًا وأنا بتكلم بتكلم