شاهد ظهور جديد لمسلم وخطيبته السابقة.. هل عادوا للمرة الرابعة بعد الانفصال؟
نشرت يارا تامر، خطيبة الفنان مسلم السابقة مقطع فيديو عبر خاصية الاستوري بموقع تبادل الصور والفيديوهات "انستجرام" يجمع الفنانة بوسي ومحمود الليثي وخطيبها السابق مسلم وهم يرقصون على أنغام أغنية "أنا بابا" لبوسي ومسلم احتفالًا بعيد ميلاد بوسي.
كما نشرت في استوري أخرى صورة جديدة لها جمعتها بخطيبها السابق مسلم، من حفل عيد ميلاد بوسي، ليمون هذا الظهور الأول لهما بعد فسخ خطبتهما 3 مرات، وأثارت الصورة الجدل حول عودتهما من جديد.
تفاصيل أغنية أنا بابا
الجدير بالذكر أن الفنانة بوسي طرحت أغنية جديدة بالتعاون مع الفنان مسلم تحمل اسم "أنا بابا" وهي الأغنية الدعائية لفيلم "X مراتي"، الذي بدأ عرضه بدور العرض المصرية يوم 24 يوليو الماضي.
أغنية "أنا بابا" من كلمات مصطفى حدوتة وألحان إيهاب عبد الواحد وتوزيع ومكس وماستر إيهاب كلوبكس.
كلمات أغنية أنا بابا
وجاءت كلمات أغنية "أنا بابا" على النحو الآتي:
اللي انت نفسك تعمله يا.. أنا عملته وبطلته
واللي انت لسه ف أوله يا.. أنا خلصته وقفلته
والحلم اللي انت بتحلمه يا.. قبل ما احلمه حققته
واللي واخد وقتك كله
ركنته علشان مش وقته
أنا مين أنا بابا
على مين مش على بابا
أنا مين يا.. أنا بابا
على مين مش علي بابا
حبيبي لما تعوز تسأل
ابقى تعالى واسأل بابا
أنا مين أنا بابا
على مين مش على بابا
أنا مين يا.. ولا أنا بابا
على مين مش على بابا
ده انت لو حد مضايقك
كنت بتجري تنادي بابا
اللي انت لسه هتبدأه يا.. أنا بدأته ونهيته
واللي انت نفسك تلحقه يا.. أنا سبقته وعديته
واللي انت جاي تلزّقه يا.. أنا قطعته ورميته
واللي شاغل بالك بيه أنا لما عملته نسيته
أنا مين أنا ماما
على مين مش على ماما
أنا مين يا.. أنا أنا ماما
على مين مش على ماما
حبيبي لما تعوز تسأل
ابقى تعالى واسأل ماما
أنا مين أنا ماما
على مين مش على ماما
أنا مين يا.. ولا أنا ماما
على مين مش على ماما
ده انت لو حد مضايقك
كنت بتجري تنادي ماما
أنا مين أنا بابا
على مين مش على بابا
أنا مين يا... ولا أنا ماما
على مين مش على ماما
ده أنت لو حد مضايقك
كنت بتجري تنادي ماما
